Glæsihross á ísmóti

Húnvetningar blésu til ísmóts á Svínavatni þann 5. mars sl. Ísmótið nýtur ávallt nokkurra vinsælda meðal hestamanna en keppnisskráningar voru um 130 hross og þótti hestakosturinn firnasterkur miðað við árstíma. Veðrið lék við gesti og keppendur sem spreyttu sig í þremur keppnisflokkum; tölti ásamt A og B flokki gæðinga.

 

Teitur Árnason fór með sigur af hólmi í tölti annað árið í röð á hryssunni Kúnst frá Ytri Skógum. Stóðhesturinn Hersir frá Lambanesi kom nú fram í keppni undir stjórn Jakobs Svavars Sigurðssonar og sigruðu þeir í flokki alhliðahesta. Sigurvegari B-flokks á Landsmóti 2014, Loki frá Selfossi, kom fram undir stjórn eiganda síns, Ármanns Sverrissonar, og fögnuðu þeir sigri í flokki klárhesta. 

 

Grámann frá Hofi valinn glæsilegasti hestur mótsins

 

Glæsilegasti hestur mótsins var valinn Grámann frá Hofi, Höfðaströnd, en knapi hans var Barbara Wenzl.