Loka mögulega vegna ágangs

Umhverfisstofnun óskar eftir umsögnum vegna mögulegrar lokunar ferðamannastaða á landi Reykjahlíðar. Staðirnir sem um ræðir eru Hverir, Leirhnjúkur og Víti við Kröflu en óskað hefur verið eftir lokunar á stöðunum vegna álags af völdum ferðamanna.

Umhverfisstofnun hefur barst erindi Guðrúnar Maríu Valgeirsdóttur þann 7. júlí sl. þar sem því er beint til Umhverfisstofnunar að loka ferðamannastöðum í landi Reykjahlíðar vegna álags af völdum ferðamanna.

Samkvæmt frétt á vef Umhverfisstofnunar kemur fram í erindinu að svæðin hafi á síðustu árum látið á sjá vegna álags og aðgerðarleysis auk þess sem öryggi ferðamanna sé stefnt í hættu við sjóðheita hveri. Mikilvægt sé að brugðist verði við umferð við svæðin með markvissri landvörslu og lágmarks þjónustu við svæðin.

Umhverfisstofnun getur í verndarskyni takmarkað umferð eða lokað svæðum í óbyggðum ef hætta er á verulegu tjóni af völdum ágangs á svæðinu samkvæmt. 25. gr. laga nr. 60/2013 um náttúruvernd. Stofnuninni ber að hafa samráð við hlutaðeigandi sveitarfélag, landeiganda og aðra hagsmunaraðil og fylgir ákveðnu verkferli. Felur það m.a. í sér að kalla eftir umsögnum. Þegar unnið hefur verið úr umsögnum og svæðið tekið út mun stofnunin meta hvort takmarka þurfi umferð og þá umfang þeirra takmarka.

Óskað er eftir að umsagnir berist í dag, 19. júlí, til Umhverfisstofnunnar að er fram kemur á vefsíðu stofnunnarinnar.