Heklað jólatré

Þú finnur ekki einfaldari uppskrift að jólatré en þessa! Þú ræður í hvaða stærð jólatréð þitt er því þegar þú ert búin að fá nóg þá bara hættirðu að hekla! 

 

Þessi uppskrift er í boði Hand­verkskúnstar. Fleiri uppskriftir og fullt af flottu garni á www.garn.is.

 

Garn: 

Frapan, 1 dokka

Whistler, 1 dokka

Tyra, 1 dokka

Garnið er á sérstöku tilboðsverði í nóvember, aðeins 99 kr. dokkan!

 

Heklunál:

3,5-4 mm

 

Annað efni:

Frauðkeila

Sykurvatn, blandað 50/50, eða annað stífelsi.

Títuprjónar.

 

Lesist áður en byrjað er að hekla: Þetta tré er heklað í spíral, sem þýðir að umferðum er ekki lokað heldur bara haldið áfram að hekla og hekla, hring eftir hring. Það er nauðsynlegt að hafa prjónamerki til þess að merkja hvaða lykkja er fyrsta lykkja umferðarinnar, annars fer allt í rugl.

 

Skammstafanir:

LL – loftlykkja, L – lykkja, FP – fastapinni, KL - keðjulykkja

1. umf: Heklið 2 LL, 4 FP í fyrstu LL. (4 FP)

2. umf: Heklið 2 FP í fyrstu L, 1 FP í næstu L, 2 FP í næstu L, 1 FP í næstu L. (6 FP).

3. umf: Heklið 1 FP í hverja L. (6 FP)

4. umf: Heklið 2 FP í fyrstu L, 1 FP í næstu 2 L, 2 FP í næstu L, 1 FP í næstu 2 L. (8 FP)

5. umf: Heklið 1 FP í hverja L. (8 FP)

6. umf: Heklið 2 FP í fyrstu L, 1 FP í næstu 3 L, 2 FP í næstu L, 1 FP í næstu 3 L. (10 FP)

7. umf: Heklið 1 FP í hverja L. (10 FP)

8. umf: Heklið 2 FP í fyrstu L, 1 FP í næstu 4 L, 2 FP í næstu L, 1 FP í næstu 4 L. (12 FP)

9. umf: Heklið 1 FP í hverja L. (12 FP)

10. umf: Heklið 2 FP í fyrstu L, 1 FP í næstu 5 L, 2 FP í næstu L, 1 FP í næstu 5 L. (14 FP)

11. umf: Heklið 1 FP í hverja L. (14 FP)

 

Og svona heldur þetta áfram þar til jólatréð er í þeirri stærð sem þú vilt hafa það. Í lok þessarar síðustu umferðar heklaði ég 3 keðjulykkjur í síðustu lykkjurnar til þess að samskeytin sæust ekki.

 

Til viðmiðunar þá var síðasta umferðin í jólatrénu sem ég gerði 50 fastapinnar og það er ca 25 cm á hæð.

Gangi ykkur vel og góða skemmtun.

 

Elín Guðrúnardóttir