Yrja vettlingar
EFNI: 75g Hörpugull og sauðalitaður þingborgarlopi – undið tvöfalt
PRJÓNAR: Sokkaprjónar nr. 4 mm. og 4,5 mm. PRJÓNAFESTA: 10 cm. = 17 lykkjur
STÆRÐ: M
VINSTRI VETTLINGUR:
Fitjað upp 32 lykkjur á prjóna nr. 4.
Lykkjunum skipt jafnt á 4 prjóna og prjónað í hring stroff;
1 slétt, 1 brugðið (eða 2 slétt, 2 brugðið) alls 15 umf.
Skipt yfir á prjóna nr.4,5 og aukið út um 4 lykkjur,
þá eru 9 lykkjur á hverjum prjóni (36 l.). Prjónað slétt 5 cm. Þá eru 6 síðustu lykkjurnar á prjóni tvö prjónaðar með aukabandi fyrir þumal. Lykkjurnar settar aftur á prjóninn
og prjónað áfram 12 cm. eftir þumal og að úrtöku.
ÚRTAKA:
1. prjónn: Prjónað fyrstu lykkjuna slétt, næsta tekin af óprjónuð yfir á hægri prjóninn,
prjónað næstu lykkju slétt, óprjónuðu lykkjunni steypt yfir þá lykkju, prjónað prjón á enda.
2. prjónn: Prjónað þar til 3 lykkjur eru eftir á prjóninum, prjónað 2 lykkjur saman sem eina,
prjónað síðustu lykkjuna slétt.
3. prjónn: prjónað eins og 1. prjónn.
4. prjónn: prjónað eins og 2. prjónn.
Prjónað 1 umferð án úrtöku. Síðan tekið úr og úrtakan endurtekin í hverri umferð þar til eftir eru 2 lykkjur
á hverjum prjóni; 8 lykkjur alls.
Slitið frá og endinn dreginn í gegnum lykkjurnar.
ÞUMALL:
Aukaband fyrir þumal tekið úr og aukið út í hvorri vik svo að lykkjurnar séu 14 samtals.
Lykkjunum skipt niður á þrjá prjóna nr. 4,5
og prjónaðar 15 umf., tekið úr eins og á vettling.
HÆGRI VETTLINGUR:
Prjónaður eins og sá vinstri en nú eru lykkjur fyrir þumal 6 fyrstu lykkjurnar á prjóni þrjú.
FRÁGANGUR:
Gengið frá endum og vettlingar handþvegnir með volgu og mildu sápuvatni.
