Yndislegar skriðbuxur
Skriðbuxur / romper, eru mjög vinsælar á litlu krílin. Þessar skemmtilegu skriðbuxur eru fljótprjónaðar, mjög klæðilegar og krúttlegar. Uppskriftin inniheldur einnig sokka og húfu en uppskriftina að því finnur þú á garnstudio.com, uppskrift númer cm-006-bn.
Stærðir: 1/3 - 6/9 - 12/18 mánaða.
Garn: DROPS Cotton Merino.
100-150-150 g.
Prjónar: Hringprjónar 40 cm nr 3 og 3,5 – eða sú stærð sem þarf til að 22 L og 30 umf í sléttu prjóni verði 10 x 10 cm á prjóna nr 3,5.
Skriðbuxur
ÚRTAKA-1: úrtökur eru frá réttu
Prjónið þar til 3 L eru að prjónamerki, prjónið: 2 L slétt saman, 2 L sl (prjónamerki er staðsett mitt á milli þessa 2L), takið 1 L óprjónaða eins og prjóna eigi hana sl, 1 L sl, steypið óprjónuðu L yfir.
ÚRTAKA-2: úrtökur eru frá réttu
Fellið af á eftir 3 kantlykkjum með garðaprjóni: Takið 1 L óprjónaða eins og prjóna eigi hana sl, 1 L sl, steypið óprjónuðu lykkjunni yfir.
Fellið af á undan 3 kantlykkjum með garðaprjóni: Byrjið 2 L á undan 3 kantlykkjum og prjónið 2 L slétt saman.
GARÐAPRJÓN (prjónið fram og til baka):
Lykkjurnar prjónast slétt í öllum umf.
MYNSTUR:
Sjá teikningu A.1. Teikning sýnir allar umf í mynstri séð frá réttu.
Skriðbuxur:
Stykkið er prjónað fram og til baka í 2 hlutum neðan frá og upp eftir opi fyrir fætur. Síðan er stykkið prjónað í hring áður en það skiptist aftur upp við mitti og framstykki er prjónað til loka fram og til baka.
BAKSTYKKI:
Fitjið upp 14-16-18 L á hringprjóna nr 3,5 og prjónið slétt prjón fram og til baka. JAFNFRAMT eru fitjaðar upp 2 nýjar lykkjur í lok hverrar umf alls 9 sinnum á hvorri hlið = 50-52-54 L á prjóninum og stykkið mælist ca 6 cm. Geymið stykkið og prjónið framstykki.
FRAMSTYKKI:
Fitjið upp 14-16-18 L á hringprjóna nr 3,5 og prjónið slétt prjón fram og til baka í 5 cm. Fitjið nú upp 6 nýjar lykkjur í lok hverrar umf alls 3 sinnum á hvorri hlið = 50-52-54 L á prjóninum og stykkið mælist ca 7 cm.
FRAM- OG BAKSTYKKI:
Sameinið fram- og bakstykki á hringprjón = 100-104-108 L. Setjið 1 prjónamerki í hvora hlið (= 50-52-54 l á milli prjónamerkja) – HÉÐAN ER NÚ MÆLT! Prjónið slétt prjón í hring – byrjun umf = hlið. Þegar stykkið mælist 2-3-5 cm er fækkað um 1 L hvoru megin við bæði prjónamerkin – LESIÐ ÚRTAKA-1 (= 4 L færri). Endurtakið úrtöku með 2 cm millibili alls 4 sinnum = 84-88-92 L á prjóninum. Þegar stykkið mælist 10-11-14 cm frá prjónamerki (stykkið mælist ca 17-18-21 cm frá uppfitjunarkanti) er prjónuð upphækkun að aftan þannig: Prjónið sl eins og áður yfir fyrstu 42-44-46 L þ.e.a.s. fram að 2. prjónamerki (= framstykki – ATH: Ekki er prjónuð upphækkun yfir þessar lykkjur), prjónið sl þar til 5 L eru að prjónamerki í byrjun umf, snúið við og prjónið br til baka þar til 5 L eru eftir að prjónamerki á hinni hliðinni, snúið við. Prjónið sl þar til 10 L eru eftir á undan prjónamerki, snúið við og prjónið br til baka þar til 10 L eru eftir á undan prjónamerki á hinni hliðinni, snúið við. Prjónið sl þar til 15 L eru eftir á undan prjónamerki, snúið við og prjónið br til baka þar til 15 L eru eftir á undan prjónamerki á hinni hliðinni. Snúið við og prjónið sl til baka í byrjun umf (= hlið). Skiptið yfir á hringprjóna nr 3 og prjónið 1 umf slétt yfir allar L JAFNFRAMT er lykkjufjöldinn jafnaður til 80-88-96 L – ATH: Til þess að koma í veg fyrir göt þegar snúið er við er lykkjan sótt á milli 2 L upp og prjónað er áfram slétt með næstu L á prjóni. Prjónið síðan stroff í hring þannig: 1 L sl, *2 L br, 2 L sl*, endurtakið frá *-* þar til 3 L eru eftir af umf, endið á 2 L br og 1 L sl. Þegar stroffið mælist 1½ cm er prjónuð gataumferð þannig: 1 L sl, *2 L br saman, sláið uppá prjóninn, 2 L sl*, endurtakið frá *-* þar til 3 L eru eftir af umf, endið á 2 L br saman, sláið uppá prjóninn og 1 L sl. Prjónið síðan áfram þar til 1 umf er eftir áður en stroffið mælist 3 cm. Næsta umf er prjónuð þannig: Prjónið stroff eins og áður yfir fyrstu 40-44-48 L (= framstykki), fellið LAUST af næstu 40-44-48 L með sl yfir sl og br yfir br (= bakstykki).
FRAMSTYKKI:
Setjið 1 prjónamerki – HÉÐAN ER NÚ MÆLT!
Skiptið yfir á hringprjóna nr 3,5 og prjónið fyrstu umf frá réttu þannig: 3 kantlykkjur með GARÐAPRJÓN – sjá skýringu að ofan, 9-11-13 L slétt prjón, prjónið mynstur eftir teikningu A.1 (= 16 L) 9-11-13 L slétt prjón og 3 kantlykkjur með GARÐAPRJÓN. Haldið áfram með mynstur svona fram og til baka. JAFNFRAMT eftir 1-1-0 cm er fækkað um 1 L á hvorri hlið – LESIÐ ÚRTAKA-2. Endurtakið úrtöku í 2.- 4.- 6. hverri umf alls 7-7-6 sinnum = 26-30-36 L á prjóninum. Þegar stykkið mælist 7-9-11 cm frá prjónamerki – stillið af þannig að næsta umf er prjónuð frá réttu, prjónið 6 umf garðaprjón fram og til baka yfir allar L. Næsta umf er prjónuð frá réttu þannig: Prjónið 8 L sl og setjið þessar L á þráð/nælu (axlaband), fellið af næstu 10-14-20 L og prjónið sl yfir síðustu 8 L (= axlaband).
AXLABAND:
Haldið áfram með garðaprjón fram og til baka þar til bandið mælist ca 18-20 cm (eða sú lengd sem hentar). Fellið af og prjónið seinna axlabandið.
STROFF:
Prjónið upp frá réttu ca 50 til 56 L meðfram öðru fótaropinu á hringprjóna nr 3 með. Prjónið 1 umf br frá röngu en JAFNFRAMT er aukið út jafnt yfir í 58-62-66 L. Prjónið síðan stroff (2 L sl, 2 L br) fram og til baka með 1 kantlykkju með garðaprjóni á hvorri hlið. Þegar kanturinn mælist 2 cm er fellt laust af með sl yfir sl og br yfir br. Endurtakið meðfram hinu opinu.
Saumið saman op í klofbótinni innan við 1 kantlykkju – þ.e.a.s. saumið saman annan stroff kantinn, síðan er saumað saman í klofi og að lokum hitt stroffið.
Saumið tölu neðst í hvort axlaband. Tölurnar eru hnepptar í gegnum gat á gataumferð í stroffi.
SNÚRA:
Klippið 2 þræði Cotton Merino ca 3 metra. Tvinnið þá saman þar til þeir taka í, leggið snúruna saman tvöfalda og þá kemur hún til með að tvinna sig aftur saman. Hnýtið hnút á hvorn enda. Byrjið við miðju að framan og þræðið snúruna upp og niður í gegnum göt í gataumferð á stroffi í mitti.
Prjónakveðja,
mæðgurnar í Handverkskúnst, www.garn.is
