Vinsamlegast athugið að þetta efni er eldra en 11 mánaða.
Neoliner Origin er stærsta vindknúna flutningaskip heims í dag. Þótt það sé lítið í samanburði við risaskip sem flytja mestan hluta vöru um heiminn, telja ýmsir að vindknúin skip geti gegnt lykilhlutverki í minni flutningum og sem viðbót við græn orkuskipti.
Neoliner Origin er stærsta vindknúna flutningaskip heims í dag. Þótt það sé lítið í samanburði við risaskip sem flytja mestan hluta vöru um heiminn, telja ýmsir að vindknúin skip geti gegnt lykilhlutverki í minni flutningum og sem viðbót við græn orkuskipti.
Mynd / Neoliner
Utan úr heimi 11. desember 2025

Vindknúið flutningaskip

Höfundur: Steinunn Ásmundsdóttir

Nýtt vindknúið fragtskip er nú í föstum ferðum milli Frakklands og Bandaríkjanna.

Franska fyrirtækið Neoline hefur tekið stórt skref í átt að sjálfbærni í sjóflutningum með tilkomu Neoliner Origin, fyrsta vindknúna flutningaskipsins sem fer í reglulegar ferðir yfir Atlantshafið. Skipið, sem er 136 m langt, 24,2 m breitt og ristir 5,2 m, hóf siglingar sl. sumar og er sagt losa allt að 80% minna af gróðurhúsalofttegundum en hefðbundin dísilknúin skip.

Neoliner Origin er hannað sem „ro-ro“ flutningaskip (hægt að ferma og afferma með ökutækjum) með þremur hleðslusvæðum og 12 metra breiðum rampi sem gerir kleift að flytja bæði hefðbundinn farm og stærri farm, allt að 9,8 metra háa og 200 tonna þunga hluti, án þess að nota krana. Burðargeta skipsins er um 5.000 tonn og farmrýmið er samtals 3.000 m².

Skipið notar vind sem megindrifkraft, með tveimur stífum Solidsail-seglum úr samsettum efnum (m.a. kolefni og trefjagleri) sem þola mikið álag og veita hámarks orkunýtingu. Heildarflatarmál seglanna er um 3.000 m², og auk þess er skipið búið dísilrafmagnskerfi til að tryggja stöðugan hraða og öryggi.

Flutningaskipið fer mánaðarlegar ferðir á milli Saint-Nazaire í Frakklandi og hafna í Bandaríkjunum og Kanada, þar á meðal Baltimore og Halifax. Með 11 hnúta meðalsiglingahraða tekur ferðin frá Frakklandi til Bandaríkjanna eða Kanada á bilinu 13 til 18 daga vestur og 10 til 15 daga til baka.

Samanburður á flutningaskipum.

Umhverfisvæn lausn

Markmið Neoliner er að endurvekja seglskipamenningu með nútímatækni og draga úr notkun jarðefnaeldsneytis í alþjóðlegum flutningum. Lausnin fellur að stefnu margra fyrirtækja um samfélagslega ábyrgð og kolefnissamdrátt. Fyrirtæki á borð við Renault Group, Beneteau, Hennessy, Clarins og Manitou hafa þegar tryggt sér pláss á skipinu og styðja verkefnið sem mikilvægt skref í átt að grænni framtíð.

Á fyrsta ferðalagi skipsins í sumar sem leið voru fluttar vörur á borð við 500.000 flöskur af Hennessy-koníaki, franskar brioche-brauðvörur og lyftarar og hybrid-bílar frá Renault. Þrátt fyrir að skipið sé í tilraunafasa og hafi mætt áskorunum, eins og bilaðri seglplötu í miðri ferð, tókst því að draga úr eldsneytisnotkun um helming miðað við hefðbundin skip.

Sextíu milljónir evra

Neoliner Origin kostaði um 60 milljónir evra í smíði og er stærsta vindknúna flutningaskip heims í dag. Þótt það sé lítið í samanburði við risaskip sem flytja mestan hluta vöru um heiminn, telja ýmsir að vindknúin skip geti gegnt lykilhlutverki í minni flutningum og sem viðbót við græn orkuskipti. Með þessu framtaki vonast Neoliner til að marka upphaf nýrrar aldar í umhverfisvænum sjóflutningum. Ef vel tekst til gæti vindorkuknúin sigling orðið raunhæfur kostur fyrir fyrirtæki sem vilja minnka kolefnisspor sitt – og jafnvel fyrir farþega sem leita að lágkolefnisvalkosti í langferðum.

Sláturdilkum fjölgar á milli ára í fyrsta skipti frá 2017
Fréttir 20. nóvember 2026

Sláturdilkum fjölgar á milli ára í fyrsta skipti frá 2017

Sauðfjárslátrun er nú lokið í öllum stærri sláturhúsum landsins og er nú ljóst a...

66°Norður í félag við kínverskt fatafyrirtæki
Fréttir 19. nóvember 2026

66°Norður í félag við kínverskt fatafyrirtæki

Sjóklæðagerðin sem er framleiðandi og sölulaðili 66°Norður hefur stofnað til sam...

Losunarstuðlar fyrir Ísland innleiddir
Fréttir 19. nóvember 2026

Losunarstuðlar fyrir Ísland innleiddir

Unnið er að því að innleiða íslenska losunarstuðla fyrir framræst votlendi inn í...

Tafir á skýrsluskilum samráðshóps
Fréttir 19. nóvember 2026

Tafir á skýrsluskilum samráðshóps

Til stóð að skýrslu yrði skilað til umhverfis-, orku- og lofts- lagsráðherra 15....

Engin alvarleg frávik á svínabúinu
Fréttir 19. nóvember 2026

Engin alvarleg frávik á svínabúinu

Engin alvarleg frávik frá reglum um velferð svína komu fram í eftirlitsheimsókn ...

Unnið gegn efnahagslegum hvötum sem hafa skaðleg áhrif á náttúruna
Fréttir 18. nóvember 2026

Unnið gegn efnahagslegum hvötum sem hafa skaðleg áhrif á náttúruna

Svokölluð Yerevan áætlun var samþykkt á þingi aðildarríkja um samning Sameinuðu ...

Nýtt fræhús á Vöglum
Fréttir 18. nóvember 2026

Nýtt fræhús á Vöglum

Nýtt fræhús á Vöglum í Fnjóskadal var formlega afhent Land og skógi af Jóhanni P...

Þjónusta Microsoft liggur niðri
Fréttir 13. nóvember 2026

Þjónusta Microsoft liggur niðri

Vegna vandræða í kerfum Microsoft liggur tölvupóstur Bændablaðsins tímabundið ni...