Um 26.000 notendur að tölvukerfum BÍ

Virkir og skráðir notendur tölvukerfa Bændasamtaka Íslands (BÍ) eru um 26.000. Eftirfarandi tölvukerfi eru í rekstri tölvudeildar BÍ: hrossakerfin WorldFengur og Sportfengur, nautgripakerfið Huppa, sauðfjárkerfin Farvís og Lamb, jarðræktarkerfið Jörð, smalahundakerfið Snati, upplýsinga og vefgáttin Bændatorgið, Dýraauðkenni fyrir gæludýr, Ullarmatskerfi Ístex (í Bændatorginu) og Afurð, greiðslukerfi landbúnaðarins.

Alls 3.506 notendur eru skráðir með virkan aðgang að Bændatorginu í dag. Fjárvís notendur eru alls um 1.800 á sama tíma (af þeim 13 grænlenskir bændur). Heildarfjöldi notenda í Huppu eru 903.

Bændur aðeins með hjarðbókaraðgang eru 63 talsins, en aðgangur þeirra er mjög takmarkaður miðað við fullan aðgang skýrsluhaldara í nautgriparækt. Þá eru 28 færeyskir bændur með aðgang að Huppu, en í haust var opnað fyrir aðgang mjólkurframleiðenda í Færeyjum að Huppu.

WorldFengur

Um 1.100 bændur eru með aðgang að Jörð, skýrsluhaldsforritinu í jarðrækt. Um 170 notendur eru með aðgang að Snata, ættbókarkerfi Smalahundafélagsins. Þessu til viðbótar má nefna að Landsmarkaskrá er opin öllum á netinu þeim að kostnaðarlausu (www.landsmarkaskra.is) og þá má ekki gleyma dkBúbót sem er með skráða um 800 notendur. Að síðustu má nefna upprunaættbók íslenska hestsins, WorldFeng, en skráðir notendur í um 24 löndum eru um 18.000.