Það er auðvelt að grilla lax

Það er hægur leikur að grilla lax, svo framarlega sem fylgt er nokkrum einföldum skrefum.  

 

Grillið heilt flak eða bita af laxi á roðinu. Gott að bæta kryddi, gljáa eða sósu eins og hver vill.

 

Grillaður lax

Hráefni

 

Aðferð

Verið viss um að grillið sé hreint.

 

Nuddið grillgrindina með þunnu lagi af olíu, hálf matskeið ætti að vera nóg. Hitið grillið, annaðhvort með kolum, eða á gasgrilli að miðlungs hita. Heitt grill kemur í veg fyrir að fiskurinn festist of mikið við grindina meðan hann grillast.

 

Penslið grillgrindina aftur með annarri hálfri matskeið af olíu.

 

Penslið laxinn með rest af olíunni og stráið salti og pipar yfir.

 

Penslið laxaflökin eða bitana með kryddi að eigin vali, til dæmis dilli, BBQ-sósu eða sesamolíu.

 

Setjið laxinn með roðhliðina niður á grillið og lokið. Eldið ótruflað þar til laxinn byrjar að losa sig frá fitunni (á roðinu) eða þar til hann er nær eldaður í gegn. Margir vilja hafa laxinn bleikan í miðju eins og graflax (sem er alltaf borðaður hrár eða sushi sem er líka hrátt) en aðrir ekki, þetta tekur um það bil 5 til 10 mínútur fyrir flest flök eða bita. Leyfið fisknum að grillast í 5 til 10 mínútur í viðbót fyrir þykkt flak. Notið spaða til að fjarlægja fiskinn af grillinu.

 

Berið fram grillaðan lax strax. Bjóddu upp á sítrónubát svo fólk geti kreist yfir laxinn sinn ferskan sítrónusafa eða berið fram með skreytingu að eigin vali (ferskar kryddjurtir eru flott og bragðgott skraut).

Ef laxinn er ekki með neitt roð, getið þið notað álfilmu sem er nokkrum sentimetrum stærri en laxastykkið sem á að elda. Smyrjið hana samt sem áður með fitu. Eldið laxinn á álfilmunni á grillinu, þarf ekki að snúa, bara loka svo hitinn komist rólega í gegnum bitann!

 

Ef þið eruð með heilan lax er frábært að heilgrilla hann, fylltan með jurtum og sítrónum, penslaður með olíu – en þarf að vefja í álpappír svo hann festist ekki við.

 

 

Sítrónu- og jurtakjúklingur á pönnu eða grilli

 

Það er aðeins eitt sem ég þoli verr en þurran kjúkling; þurran og bragðlausan kjúkling. 

Auðveld sítrónumarinering mun koma í veg fyrir slíkt, því sýran tryggir að kjúklingurinn verður góður og safaríkur.

 

Berið fram með kartöflumús eða ristuðum kartöflum – eða salati með ristuðum tómötum.

 

Hráefni

Setjið sítrónusafa, kryddjurtir, sinnep, krydd og olíu í stóran, lokanlegan plastpoka. Lokaðu pokanum, hristu síðan og hrærðu til að blanda öllu saman. Látið þetta marinerast klukkustund, eða yfir nótt.

 

Setjið pönnu með ólífuolíu yfir miðlungs háan hita. Þegar pannan er heit, látið eitthvað af umfram marineringunni úr kjúklingnum á pönnuna. Eldið í u.þ.b. 2–3 mínútur á hvorri hlið, eða þar til þær eru orðnar fallega brúnaðar og eldaðar í gegn.

 

Lækkið hitann í miðlungshita ef kjúklingurinn brúnast of hratt. Setjið lok á pönnuna meðan á eldun stendur til að halda kjúklingnum rökum. Látið þær hvíla í nokkrar mínútur.

 

Njótið!

 

Á grilli er best að nota álpappír til að hella safanum í fyrir gljáann á kjúklinginn. 

 

Ef kjúklingalundir finnast ekki getið þið notað þessa marineringu fyrir kjúklingabringur, kjúklingalæri – og jafnvel svínakjöt!