Sýnir landfræðilega dreifingu styrkja

Byggðastofnun hefur opnað mælaborð sem sýnir landfræðilega dreifingu styrkja veittum af stofnuninni frá árinu 2018.

Nýju mælaborði um landfræðilega dreifingu styrkja er skv. upplýsingum frá Byggðastofnun ætlað að bæta aðgengi að upplýsingum um starfsemi stofnunarinnar og úthlutun opinberra fjármuna. Mælaborðið er birt á vef Byggðastofnunar.

Eru stærstu styrkjapottarnir sagðir vera sóknaráætlanir landshluta og atvinnuráðgjöf á landsbyggðinni en úr þeim renni grunnframlag ríkisins gegnum Byggðastofnun til landshlutasamtaka sveitarfélaga. Auk þess veiti stofnunin styrki vegna ýmissa aðgerða í Byggðaáætlun, byggðarannsóknastyrki og styrki til meistaranema.

Í mælaborðinu er yfirlit yfir upphæðir styrkja sem veittir eru hvert ár, hagaðila eða svæði sem hljóta þá og nánari lýsing á styrkjunum eftir því sem við á. Hægt er að sía gögnin eftir ári, styrkjapotti og svæði.