Sívalningur

Loksins, loksins, loksins er Drops Air fáanlegt hjá okkur mæðgunum í Handverkskúnst.

Drops Air er mjög sérstakt garn þar sem það er ekki spunnið heldur blásið. Garnið er mjög létt líkt og nafn þess gefur til kynna. Flíkur úr Drop Air eru töluvert léttari en flíkur úr öðru garni í sambærilegum grófleika og flíkurnar eru algerlega kláðafríar og ættu því að henta öllum.

Þessi dásamlegi hólkur er tilvalið verkefni fyrir þá sem vilja prufa Drops Air. Við erum sannfærðar um að þú munt kolfalla fyrir þessu garni líkt og svo margir aðrir.

Prjónakveðjur,

Guðrún María

& Elín

www.garn.is

Sívalningur

Prjónaður hólkur með gatamynstri úr Drops Air.

Stærð: Ein stærð.

Mál: DROPS AIR fæst hjá Handverkskúnst, 100 g

Hringprjónar: (60 cm) NR 5 – eða þá stærð sem þarf til að 17 lykkjur og 22 umferðir með sléttprjóni verði 10 cm á breidd og 10 cm á hæð.

GARÐAPRJÓN (prjónað í hring):

*1 umferð slétt og 1 umferð brugðin*, endurtakið frá *-*.

MYNSTUR:

Sjá mynsturteikningu A.1.

KRAGI:

Stykkið er prjónað í hring á hringprjóna.

Fitjið upp 120 lykkjur á hringprjóna 5 með Air. Prjónið 4 umferðir með GARÐAPRJÓN – sjá útskýringu að ofan, prjónið síðan A.1 yfir allar lykkjur (= 12 mynstureiningar á breidd).

Endurtakið A.1 á hæð þar til kraginn mælist ca 40 cm. Prjónið 4 umferðir með garðaprjóni yfir allar lykkjur og fellið af.