Ráðstefna um uppbyggingu smávirkjana

Höfundur: Ritstjórn

Fimmtudaginn 17. október heldur Orkustofnun ráðstefnu á Grand Hótel, klukkan 8:00 – 12:00, þar sem farið verður yfir tækifæri og áskoranir í tengslum við uppbyggingu smávirkjana á Íslandi.

Á ráðstefnunni verður fjallað um öryggisstjórnkerfi virkjana, umhverfismat fyrir smærri virkjanir og áhrif smávirkjana á flutnings- og dreifikerfi raforku.

Auk þess verður fjallað um fjármögnun smávirkjana og áhuga orkufyrirtækja á kaupum á raforku frá þeim.

Fulltrúi samtaka smávirkjanaaðila í Noregi segir einnig frá reynslu Norðmanna og að lokum verður kynning á virkjanasögu Húsafells.

Mikilvægt að þátttakendur skrái sig á ráðstefnuna hér. Sjá auglýsingu um ráðstefnuna.

Ráðstefnunni verður streymt á netinu - hlekkur birtist hér samdægurs.

Dagskrá

08:00	Skráning og morgunverður
08:30	Setning ráðstefnu Guðni A. Jóhannesson, orkumálastjóri
08:40	Ávarp ráðherra ferðamála-, iðnaðar- og nýsköpunar Þórdís Kolbrún Reykfjörð Gylfadóttir
08:50	Öryggisstjórnkerfi virkjana Óskar Frank Guðmundsson, sérfræðingur hjá Mannvirkjastofnun
09:10	Umhverfismat fyrir smærri virkjanir Jakob Gunnarsson, sviðsstjóri hjá Skipulagsstofnun
09:30	Smávirkjanir og dreifikerfið Kjartan Rolf Árnason, deildarstjóri tæknisviðs hjá RARIK
09:50	Kaffihlé
10:10	Smávirkjanir og flutningskerfið Sverrir Jan Norðfjörð, framkvæmdastjóri þróunar- og tæknisviðs Landsnets
10:30	Fjármögnun smávirkjana Aðalsteinn Þorsteinsson, forstjóri Byggðastofnunar
10:50	Smávirkjanir í Noregi Knut Olav Tveit, Daglig leder, Småkraftforeningen
11:10	Hafa orkufyrirtækin áhuga á að kaupa orku frá smávirkjunum Friðrik Friðriksson, framkvæmdastjóri framleiðslu og sölu hjá HS Orku
11:30	Virkjanasaga Húsafells Arnar Bergþórsson, stjórnarformaður Arnarlækjar
11:50	Samantekt og fundi slitið