Vinsamlegast athugið að þetta efni er eldra en mánaðar gamalt.
Ný reglugerð um notkun eyrnamerkja í búfé leyfir ekki endurnýtingu á lögbundnum merkjum en valkvætt er að nota annað merki til viðbótar í hitt eyrað.
Ný reglugerð um notkun eyrnamerkja í búfé leyfir ekki endurnýtingu á lögbundnum merkjum en valkvætt er að nota annað merki til viðbótar í hitt eyrað.
Mynd / smh
Fréttir 8. október 2026

Ný reglugerð um notkun eyrnamerkja

Höfundur: Sigurður Már Harðarson

– Endurnýting óheimil á lögbundnum merkjum í sauðfé

Ný reglugerð um merkingar og skráningar dýra var gefin út 14. september, en þar eru nýjar og boðaðar reglur um notkun eyrnamerkja búfjár staðfestar og útfærðar.

Sigurbjörg Ólöf Bergsdóttir.

Samkvæmt reglugerðinni verður ekki heimilt að endurnýta merkin, eins og áður hefur tíðkast til að mynda í sauðfjárrækt. Heimilt er þó að nota annað merki til viðbótar hinu lögbundna. Á Íslandi er einungis skylt að merkja sauðfé í annað eyrað með lögbundnu, forprentuðu merki sem keypt er af merkjasala sem fengið hefur samþykki Matvælastofnunar. Þessi merki má ekki endurnýta.

Viðbótarmerki leyfð í hitt eyrað

Sigurbjörg Ólöf Bergsdóttir, sérgreinadýralæknir hjá Matvælastofnun, segir að í nýju reglugerðinni sé tekið skýrt fram að merkja þurfi öll lömb með löggiltu, forprentuðu eyrnamerki þar sem fram kemur bæjarnúmer og gripanúmer með eða án rafræns merkis (örmerki), í annað eyrað. „Þessi merki má ekki endurnýta og skal farga í sláturhúsum. Sláturhúsin skulu gera skriflegt verklag um hvernig þau standa að förgun merkja sem skal vera aðgengilegt við reglubundið eftirlit.

Þar fyrir utan er leyfilegt að vera með valkvæð merki að auki, í hinu eyranu. Í þessum valkvæðu merkjum geta menn verið með rafræn merki með hlaupandi númerum eins og tíðkast hefur undanfarin ár. Þessi merki má endurnýta og sláturhúsum er ekki skylt að farga þeim. Það er á ábyrgð bænda að þrífa og sótthreinsa merki sem tekin eru út af sláturhúsi og endurnýtt,“ segir Sigurbjörg.

Hvað varðar fullorðið fé segir Sigurbjörg að það skuli merkja með lögbundnu, forprentuðu „fullorðinsmerki“ fyrir sjö mánaða aldur, einnig með rafrænu merki. Það verði að uppfylla eftirfarandi skilyrði: fyrstu 3 stafir = landnúmer (352), næstu 7 tölustafir er búsnúmer og síðustu 5 stafir eru gripanúmer. Einnig er leyfilegt að hafa valkvæð merki í hinu eyranu á fullorðnu fé og þar geta menn verið með endurnýtanleg hlaupandi rafræn merki.

Krafa frá Evrópusambandinu

Krafan um bann við endurnýtingunni er innleidd frá Evrópusambandinu og tók gildi síðasta haust en málið hefur verið í vinnslu í nokkur ár og bændur haft undanþágu til endurnýtingar. Evrópulöggjöfin kveður á um að einstaklingsnúmer gripa skuli vera bundin einum grip og eiga ekki að geta komið fram á öðrum gripum.

Skylt efni: sauðfjárrækt

Sláturdilkum fjölgar á milli ára í fyrsta skipti frá 2017
Fréttir 20. nóvember 2026

Sláturdilkum fjölgar á milli ára í fyrsta skipti frá 2017

Sauðfjárslátrun er nú lokið í öllum stærri sláturhúsum landsins og er nú ljóst a...

66°Norður í félag við kínverskt fatafyrirtæki
Fréttir 19. nóvember 2026

66°Norður í félag við kínverskt fatafyrirtæki

Sjóklæðagerðin sem er framleiðandi og sölulaðili 66°Norður hefur stofnað til sam...

Losunarstuðlar fyrir Ísland innleiddir
Fréttir 19. nóvember 2026

Losunarstuðlar fyrir Ísland innleiddir

Unnið er að því að innleiða íslenska losunarstuðla fyrir framræst votlendi inn í...

Tafir á skýrsluskilum samráðshóps
Fréttir 19. nóvember 2026

Tafir á skýrsluskilum samráðshóps

Til stóð að skýrslu yrði skilað til umhverfis-, orku- og lofts- lagsráðherra 15....

Engin alvarleg frávik á svínabúinu
Fréttir 19. nóvember 2026

Engin alvarleg frávik á svínabúinu

Engin alvarleg frávik frá reglum um velferð svína komu fram í eftirlitsheimsókn ...

Unnið gegn efnahagslegum hvötum sem hafa skaðleg áhrif á náttúruna
Fréttir 18. nóvember 2026

Unnið gegn efnahagslegum hvötum sem hafa skaðleg áhrif á náttúruna

Svokölluð Yerevan áætlun var samþykkt á þingi aðildarríkja um samning Sameinuðu ...

Nýtt fræhús á Vöglum
Fréttir 18. nóvember 2026

Nýtt fræhús á Vöglum

Nýtt fræhús á Vöglum í Fnjóskadal var formlega afhent Land og skógi af Jóhanni P...

Þjónusta Microsoft liggur niðri
Fréttir 13. nóvember 2026

Þjónusta Microsoft liggur niðri

Vegna vandræða í kerfum Microsoft liggur tölvupóstur Bændablaðsins tímabundið ni...