Mývatn Open 2014
Hið árlega hestamót Mývatn Open – Hestar á ís var haldið síðustu helgi. Mótið hófst á föstudag með hópreiðtúr þar sem riðið var út á frosið Mývatn að Hrútey. Þar bauð Sel Hótel Mývatn knöpum upp á samlokur og heitt kakó. Veðrið lék við gesti og góð mæting var í hópreiðina en það voru um 50 manns sem tóku þátt.
Mótið sjálft var haldið á laugardag. Keppt var í A og B tölti og síðan var endað á að keppa í góðhestakeppni. Um kvöldið var blásið til hestamannahófs með matarveislu að hætti kokksins og síðar um kvöldið hélt Kiddi Halldórs uppi skemmtilegri kráarstemmningu. Þjálfi og Sel Hótel Mývatn þakka keppendum, áhorfendum og gestum fyrir komuna og minna á að næsta Mývatn Open verður haldið 14. mars 2015.
Úrslitin voru eftirfarandi:
Tölt B
- Guðmundur Karl Tryggvason, Galdur frá Akureyri 6,37
- Kristján Sigtryggsson, Óríon frá Hellulandi 5,96
- Guðmar Freyr Magnússon, Frami frá Íbishóli 5,67
- Egill Már Vignisson, Aron frá Skriðulandi 5,57
- Nicola Berger, Saxi frá Sauðanesi 5,27
Tölt A
- Guðmundur Karl Tryggvason, Rósalín frá Efri-Rauðalæk 7,23
- Erlingur Ingvarsson, Flugar frá Króksstöðum 6,8
- Einar Víðir Einarsson, Líf frá Kotströnd 6,6
- Magnús Bragi Magnússon, Gormur frá Garðakoti 6,57
- Sandra Marín, Stikla frá Efri-Mýrum 6,2
Góðhestakeppni
1. Björgvin Daði Sverrisson, Aþena frá Akureyri 8,58
2-3. Guðmundur Karl Guðmundsson, Rún frá Reynistað 8,52
2-3. Úlfhildur Ída Helgadóttir, Jörvi frá Húsavík 8,52
4. Erlingur Ingvarsson, Pan frá Breiðstöðum 8,38 5.
5. Kristján Sigtryggsson, Óríon frá Hellulandi 8,28.
