Vinsamlegast athugið að þetta efni er eldra en 4 mánaða.
Frábært verður var á fyrsta degi Landsmóts hestamanna 2026, á Hólum í Hjaltadal.
Frábært verður var á fyrsta degi Landsmóts hestamanna 2026, á Hólum í Hjaltadal.
Mynd / kró
Fréttir 9. júlí 2026

Mótið 2026 fer vel af stað!

Höfundur: Karólína Rós Ólafsdóttir

Margt var í brekkunni á fyrsta degi Landsmóts hestamanna og sólin skein á Hólum í Hjaltadal. Dagskráin hófst á sérstakri forkeppni í barnaflokki og þóttu sýningar þessara yngstu knapa stórglæsilegar. „Við erum mjög ánægðir með það sem við erum búnir að sjá, hér er fullt af góðum hestum,“ segir Erlendur Árnason gæðingadómari, sem er nú að dæma tíunda Landsmótið í röð. „Dagurinn byrjaði á barnaflokki, þetta voru 120 krakkar og margar frábærar sýningar. Það gekk á heildina litið mjög vel,“ segir Erlendur.

Glæsilegir knapar í unglingaflokki.
Unnur og Emma Lind eru spenntar fyrir fjölbreyttum verk- efnum sjálfboðaliða, en þetta er þeirra fyrsta Landsmót.

Fá að skoða bestu hross landsins

Sigríður Björnsdóttir og Helga Gunnarsdóttir dýralæknar sjá um læknisskoðanir mótsins. „Þetta eru yfir 400 skoðanir og stærstu dagarnir eru þriðjudagur, miðvikudagur og fimmtudagur. Við skoðum næstum öll hrossin,“ segir Helga. Mikið annríki er í læknisskoðununum alla vikuna. „Við vinnum eftir hugmyndafræðinni „Klár í keppni“ sem búið er að hanna og þróa og hefur sannað sig ágætlega,“ segir Helga. „Klár í keppni“ er velferðarskoðun á keppnishestum sem snýr að því að greina álagseinkenni með því að skoða munn, fætur og hreyfingar hestsins auk almenns ástands. Tíðni ákveðinna áverka getur verið hentugur velferðarvísir fyrir keppnishesta.

Helga segir að það sé bæði spenna og tilhlökkun í loftinu. „Ég er alltaf spennt að vera komin á Landsmót, maður fær náttúrlega að skoða bestu hross landsins. Við sjáum ákveðna línu í því hvað kynbótahrossin og keppnishrossin eru að stríða við og það er gott fyrir vísindin, maður hefur samanburð milli móta og getur unnið úr gögnum sem er jákvætt. Við Sigríður erum ansi samhæft teymi, við erum komnar með ágætis skipulag. Knaparnir eru líka farnir að þekkja þetta form þannig að þetta gengur vel fyrir sig,“ segir Helga og bætir við að fólk sé jákvætt og allir af vilja gerðir til að hjálpa til. 

Það var þétt setið í brekkunni, fólk kom sér vel fyrir með það að markmiði að sitja límt við völlinn allan daginn.
Þessir kátu járningamenn sjá um fótaskoðun á Landsmóti, þeir eru í stjórn Járningamannafélags Íslands. Sigurgeir fyrir miðju.

Margar hendur á bak við tjöldin

Löng hefð er fyrir sjálfboðaliðum á Landsmóti hestamanna. Unnur Kjartansdóttir og Emma Lind Einarsdóttir eru sjálfboðaliðar á Landsmótinu í ár og báðar nýútskrifaðar úr viðburðastjórnun frá Háskólanum á Hólum. „Við erum í dag að gera könnun og tala við gesti en hoppum líka í hvaða störf sem er,“ segir Emma Lind. „Það getur verið að tína rusl, þrífa klósett eða hlaupa með kaffi inn á völl fyrir dómara, þeir geta verið kaffiþyrstir.“ Unnur segir að það sé gaman að fá að prófa fjölbreytt störf á mótinu, að fá innsýn inn í skipulag og uppsetningu viðburðar af þessari stærðargráðu og eru þær stöllur spenntar fyrir vikunni.

„Það sem við skoðum er fótabúnaður, auðvitað skeifurnar og hverslags járn er undir hestunum, hver þykktin er á skeifum, við skoðum hlífarnar og mælum lengd á hófum,“ segir Sigurgeir.

Flottir hófar og glaðir knapar

„Við sjáum um fótaskoðunina hér á mótinu,“ segir Sigurgeir Jóhannsson, járningamaður og formaður Járningamannafélags Íslands. „Við sjáum langflesta hestana á mótinu og það gengur alveg stórkostlega vel. Við erum hér á degi tvö og það er allt í topp standi. Það er stóra stundin að koma á Landsmót svo fólk er búið að sjá til þess að það sé allt í topp málum. Einnig hefur orðið mikil vitundarvakning hvað varðar járningar og hófhirðu á hestum síðastliðin ár og hún er almennt að batna svo okkur fer ofboðslega fram varðandi járningar. Það er mjög lítið sem við þurfum að setja út á og það er afskaplega ánægjulegt,“ segir Sigurgeir. „Við erum að sjá flotta hófa, glæsilegustu hestana og glaða keppendur sem er frábært. Þetta er náttúrlega okkar þjóðhátíð.“  

Skylt efni: Landsmót hestamanna

Sláturdilkum fjölgar á milli ára í fyrsta skipti frá 2017
Fréttir 20. nóvember 2026

Sláturdilkum fjölgar á milli ára í fyrsta skipti frá 2017

Sauðfjárslátrun er nú lokið í öllum stærri sláturhúsum landsins og er nú ljóst a...

66°Norður í félag við kínverskt fatafyrirtæki
Fréttir 19. nóvember 2026

66°Norður í félag við kínverskt fatafyrirtæki

Sjóklæðagerðin sem er framleiðandi og sölulaðili 66°Norður hefur stofnað til sam...

Losunarstuðlar fyrir Ísland innleiddir
Fréttir 19. nóvember 2026

Losunarstuðlar fyrir Ísland innleiddir

Unnið er að því að innleiða íslenska losunarstuðla fyrir framræst votlendi inn í...

Tafir á skýrsluskilum samráðshóps
Fréttir 19. nóvember 2026

Tafir á skýrsluskilum samráðshóps

Til stóð að skýrslu yrði skilað til umhverfis-, orku- og lofts- lagsráðherra 15....

Engin alvarleg frávik á svínabúinu
Fréttir 19. nóvember 2026

Engin alvarleg frávik á svínabúinu

Engin alvarleg frávik frá reglum um velferð svína komu fram í eftirlitsheimsókn ...

Unnið gegn efnahagslegum hvötum sem hafa skaðleg áhrif á náttúruna
Fréttir 18. nóvember 2026

Unnið gegn efnahagslegum hvötum sem hafa skaðleg áhrif á náttúruna

Svokölluð Yerevan áætlun var samþykkt á þingi aðildarríkja um samning Sameinuðu ...

Nýtt fræhús á Vöglum
Fréttir 18. nóvember 2026

Nýtt fræhús á Vöglum

Nýtt fræhús á Vöglum í Fnjóskadal var formlega afhent Land og skógi af Jóhanni P...

Þjónusta Microsoft liggur niðri
Fréttir 13. nóvember 2026

Þjónusta Microsoft liggur niðri

Vegna vandræða í kerfum Microsoft liggur tölvupóstur Bændablaðsins tímabundið ni...