Vinsamlegast athugið að þetta efni er eldra en 2 ára.
Mikilvægustu kosningamál bænda
Mynd / aðsendar
Líf og starf 6. nóvember 2024

Mikilvægustu kosningamál bænda

Höfundur: Ástvaldur Lárusson

Þegar líður að kosningum skiptir máli að vita hvaða málefni brenna á bændum. Bændablaðið fékk álitsgjafa úr þeirri starfsstétt til að svara eftirfarandi spurningu: Hvaða málefni skipta þig sem bónda mestu máli þegar þú ákveður hvaða stjórnmálaflokk þú ætlar að kjósa?

„Það skiptir máli að kjósa einhvern sem veit um hvað landbúnaðurinn snýst. Umhverfismál og náttúruvernd skipta líka máli,“ segir Ólöf Ósk Guðmundsdóttir, bóndi í Miðdal í Kjós.

„Það er verðbólgan og öll aðfangaverð, tekjurnar og afurðaverðið og ekki síst þessir svakalegu vextir. Mér finnst þetta grunnurinn að þessum rekstri okkar,“ segir Guðmundur Grétar Guðmundsson, bóndi í Múla í Dýrafirði.

„Lykilspurningin er: Á að vera landbúnaður á Íslandi? Við skulum vona að þeir segi já og þá vil ég kannski spyrja hvers konar landbúnaður. Þá er spurningin líka hvernig við getum lifað mannsæmandi lífi af landbúnaði. Það þarf að gera nýja búvörusamninga og þá eru þetta allt saman lykilatriði í því samhengi, en svo það komi fram hefur stuðningur við hvern framleiddan mjólkurlítra minnkað um 43 prósent síðan 2003. Ef þeir segja nei, þá vil ég bara vita það svo við getum pakkað saman,“ segir Laufey Bjarnadóttir, bóndi á Stakkhamri í Miklaholtshreppi.

„Maður er mest með það í huga hverjir muni helst vinna landsbyggðinni gagn. Það er ekki alltaf auðvelt að gera sér grein fyrir því hvað stendur upp úr í gegnum fagurgalann allan. Það er margt sem hjálpast að – samgöngur, orkuverð, orkuframleiðsla og fleira,“ segir Hávar Örn Sigtryggsson, bóndi í Hriflu í Þingeyjarsveit.

„Evrópusambandið, svo maður verði alveg rosalega róttækur. Við erum að fara eftir öllum Evrópusambandsreglugerðum nú þegar. Við erum örþjóð í landbúnaði og getum unnið eftir því sem aðrir eru að gera svo að sykurpúðarnir í Sjálfstæðisflokknum ráði ekki peningaflæðinu og hagstjórninni,“ segir Guðmundur Geir Jónsson, bóndi í Stærri-Árskógi í Dalvíkurbyggð.

„Ég kýs þá sem hafa trúverðug áform um að tryggja rekstrargrundvöll grunnframleiðslu í landinu. Það þýðir bæði frumframleiðsluna og úrvinnslugeira landbúnaðarafurðanna. Ég vel þá sem eru tilbúnir til að viðhalda raunverulegum tollum á innfluttar landbúnaðarafurðir,“ segir Sigurður Þór Guðmundsson, bóndi í Holti í Þistilfirði.

„Ég myndi segja að það væri hvernig flokkarnir ætla að sjá til þess að við tryggjum matvælaframleiðslu í landinu og að landbúnaðurinn sé samkeppnisfær um fólk til þess að stunda þessa framleiðslu miðað við aðrar starfsgreinar,“ segir Eiríkur Egilsson, bóndi á Seljavöllum í Hornafirði.

„Það er vaxtastigið sem étur upp allt hjá öllum og skortur á samkeppni á fjármálamarkaði. Það kemur enginn annar banki hingað af því að hér er einhver gjaldmiðill sem enginn þekkir og ekki nema sirka 250.000 skattgreiðendur,“ segir Jón Marteinn Finnbogason, bóndi í Minni-Mástungu í Skeiða- og Gnúpverjahreppi.

„Það þarf að verja Ísland í heild sinni. Stoppa sölu á jörðum til útlendinga og stoppa sölu á vatni, það verður okkar olía í framtíðinni. Ég mun styðja þann flokk sem stoppar þessa vitleysu af. Mér er alveg sama hvað sá flokkur heitir,“ segir Gísli Halldór Magnússon, bóndi á Ytri-Ásum í Skaftártungum.

Sláturdilkum fjölgar á milli ára í fyrsta skipti frá 2017
Fréttir 20. nóvember 2026

Sláturdilkum fjölgar á milli ára í fyrsta skipti frá 2017

Sauðfjárslátrun er nú lokið í öllum stærri sláturhúsum landsins og er nú ljóst a...

66°Norður í félag við kínverskt fatafyrirtæki
Fréttir 19. nóvember 2026

66°Norður í félag við kínverskt fatafyrirtæki

Sjóklæðagerðin sem er framleiðandi og sölulaðili 66°Norður hefur stofnað til sam...

Losunarstuðlar fyrir Ísland innleiddir
Fréttir 19. nóvember 2026

Losunarstuðlar fyrir Ísland innleiddir

Unnið er að því að innleiða íslenska losunarstuðla fyrir framræst votlendi inn í...

Tafir á skýrsluskilum samráðshóps
Fréttir 19. nóvember 2026

Tafir á skýrsluskilum samráðshóps

Til stóð að skýrslu yrði skilað til umhverfis-, orku- og lofts- lagsráðherra 15....

Engin alvarleg frávik á svínabúinu
Fréttir 19. nóvember 2026

Engin alvarleg frávik á svínabúinu

Engin alvarleg frávik frá reglum um velferð svína komu fram í eftirlitsheimsókn ...

Unnið gegn efnahagslegum hvötum sem hafa skaðleg áhrif á náttúruna
Fréttir 18. nóvember 2026

Unnið gegn efnahagslegum hvötum sem hafa skaðleg áhrif á náttúruna

Svokölluð Yerevan áætlun var samþykkt á þingi aðildarríkja um samning Sameinuðu ...

Nýtt fræhús á Vöglum
Fréttir 18. nóvember 2026

Nýtt fræhús á Vöglum

Nýtt fræhús á Vöglum í Fnjóskadal var formlega afhent Land og skógi af Jóhanni P...

Þjónusta Microsoft liggur niðri
Fréttir 13. nóvember 2026

Þjónusta Microsoft liggur niðri

Vegna vandræða í kerfum Microsoft liggur tölvupóstur Bændablaðsins tímabundið ni...