Vinsamlegast athugið að þetta efni er eldra en 9 mánaða.
Fimmtíu kindur gerðu sér glaðan dag í þýskri verslun á dögunum og átu úr hillunum.
Fimmtíu kindur gerðu sér glaðan dag í þýskri verslun á dögunum og átu úr hillunum.
Mynd / Skjáskot úr myndbandi
Utan úr heimi 5. febrúar 2026

Kindur hópuðust í verslun

Höfundur: Steinunn Ásmundsdóttir

Um fimmtíu kindur snöruðust inn í matvöruverslun í Bæjaralandi á dögunum og ollu algerri ringulreið.

Óvenjulegir viðskiptavinir komu við í verslun smásölukeðjunnar Penny í þýska bænum Brugsinn í Main-Spessart fyrir skemmstu. Um fimmtíu kindur hópuðust inn í búðina og gerðu hilluvöruna að tímabundnu beitilandi. Atlagan stóð yfir í um 20 mínútur og vakti þó nokkra furðu og kátínu viðstaddra, bæði starfsfólks og viðskiptavina. Einhverjir urðu þó skelkaðir.

Samkvæmt talsmanni fyrirtækisins höfðu kindurnar klofið sig frá hjörð sinni skömmu áður og ráfað niður á iðnaðarsvæði bæjarins. Þar virðast þær hafa ákveðið að taka slagorð búðarinnar bókstaflega og mæta „í fyrsta sinn í Penny“. Myndband náðist af tiltækinu og gekk það ljósum logum um samfélagsmiðla og fréttaveitur. Starfsfólk reyndi að halda ró sinni á meðan skepnurnar dreifðust um afgreiðslusvæðið, en kindurnar virtust lítt gefnar fyrir góða umgengni og skildu eftir sig útvaðin gólf og tæting.

Fjáreigandinn, Dieter Michler, sagðist í samtali við þýska blaðið Welt ekki viss um hvað rekið hefði kindurnar til að þyrpast inn í búðina en taldi þó líklegt að ein þeirra hefði elt viðskiptavin með áberandi stóran og ilmandi innkaupapoka í þeirri von að innihaldið væri ætilegt. Þegar dýrin áttuðu sig á því að þetta væri líklega ekki staður fyrir sauðfé, röltu þau út aftur. Verslunin var síðan þrifin, engum varð meint af og ekki þótti ástæða til að fara fram á skaðabætur frá fjáreigandanum.

Sláturdilkum fjölgar á milli ára í fyrsta skipti frá 2017
Fréttir 20. nóvember 2026

Sláturdilkum fjölgar á milli ára í fyrsta skipti frá 2017

Sauðfjárslátrun er nú lokið í öllum stærri sláturhúsum landsins og er nú ljóst a...

66°Norður í félag við kínverskt fatafyrirtæki
Fréttir 19. nóvember 2026

66°Norður í félag við kínverskt fatafyrirtæki

Sjóklæðagerðin sem er framleiðandi og sölulaðili 66°Norður hefur stofnað til sam...

Losunarstuðlar fyrir Ísland innleiddir
Fréttir 19. nóvember 2026

Losunarstuðlar fyrir Ísland innleiddir

Unnið er að því að innleiða íslenska losunarstuðla fyrir framræst votlendi inn í...

Tafir á skýrsluskilum samráðshóps
Fréttir 19. nóvember 2026

Tafir á skýrsluskilum samráðshóps

Til stóð að skýrslu yrði skilað til umhverfis-, orku- og lofts- lagsráðherra 15....

Engin alvarleg frávik á svínabúinu
Fréttir 19. nóvember 2026

Engin alvarleg frávik á svínabúinu

Engin alvarleg frávik frá reglum um velferð svína komu fram í eftirlitsheimsókn ...

Unnið gegn efnahagslegum hvötum sem hafa skaðleg áhrif á náttúruna
Fréttir 18. nóvember 2026

Unnið gegn efnahagslegum hvötum sem hafa skaðleg áhrif á náttúruna

Svokölluð Yerevan áætlun var samþykkt á þingi aðildarríkja um samning Sameinuðu ...

Nýtt fræhús á Vöglum
Fréttir 18. nóvember 2026

Nýtt fræhús á Vöglum

Nýtt fræhús á Vöglum í Fnjóskadal var formlega afhent Land og skógi af Jóhanni P...

Þjónusta Microsoft liggur niðri
Fréttir 13. nóvember 2026

Þjónusta Microsoft liggur niðri

Vegna vandræða í kerfum Microsoft liggur tölvupóstur Bændablaðsins tímabundið ni...