Írskur vetrarpúði

Gleðilegt nýtt ár, kæru viðskiptavinir, og takk fyrir viðskiptin árið 2017. 

 

Hér kemur æðisleg uppskrift að fullkomnum kósí púða. 

 

Megi árið 2018 vera ykkur gæfuríkt og njótið þess að setjast niður með handavinnuna ykkar.

 

Mál:  ca 45 x 45 cm – púðaverið passar fyrir kodda 50 x 50 cm það á að strekkjast aðeins á því þegar það er sett á.

Efni: DROPS ALPACA frá Garnstudio

350 g nr 100, natur

DROPS HRINGPRJÓNAR (60 eða 80 cm) NR 5 – eða þá stærð sem þarf til að 17 l x 22 umf með sléttprjóni með 2 þráðum verði 10 x 10 cm.

DROPS KAÐLAPRJÓNN – fyrir kaðla.

GARÐAPRJÓN (prjónað í hring):

*1 umf sl og 1 umf br*, endurtakið frá *-*.

 

MYNSTUR:

Sjá teikningu A.1 og A.2. Teikning sýnir allar umf í mynstri séð frá réttu.

 

PÚÐI:

Stykkið er prjónað í hring.

Fitjið upp 152 l með 2 þráðum Alpaca á hringprjóna nr 5. Prjónið 4 umf GARÐAPRJÓN – sjá skýringu að ofan. Prjónið síðan 1 umf slétt þar sem aukið er út um 20 l jafnt yfir = 172 l. Setjið 1 prjónamerki í hvora hlið. Prjónið * A.1a (= 2 l), A.1b (= 26 l), A.2 (= 30 l), A.1b (= 26 l), A.1c (= 2 l) *, endurtakið frá *-* 1 sinni til viðbótar. ATHUGIÐ PRJÓNFESTUNA! Haldið svona áfram með mynstur þar til A.1 hefur verið prjónað 5 sinnum á hæðina. Prjónið 4 umf garðaprjón – JAFNFRAMT í fyrstu umf er fækkað um 20 l jafnt yfir = 152 l. Fellið af. 

 

FRÁGANGUR:

Brjótið uppá stykkið við prjónamerkin. Saumið saman efri hlið.

 

Nýjárskveðja frá öllum í Gallery Spuna!