Göngur og réttir og COVID-19

Embætti landlæknis, Landssamtök sauðfjárbænda, Bændasamtök Íslands, Samband íslenskra sveitarfélaga og Almannavarnadeild ríkislögreglustjóra hafa gefið út leiðbeiningar fyrir göngur og réttir, vegna COVID-19.

Leiðbeiningunum er skipt upp í níu liði; Almennt um göngur og réttir, Grundvallarsmitgát, fjallaskálar - þrif og umgengni á tímum COVID-19, Innlendir og erlendir ferðamenn í réttum, Gátlisti fyrir göngur, gátlisti fyrir réttir, Ef eitthvað er óljóst, Frekar upplýsingar um COVID-19 og Viðaukar (lög, reglugerðir og annað sem að gangi má koma.

Í liðnum „Almennt um göngur og réttir“ eru nokkur lykilatriði tíunduð sem ætti að hafa til hliðsjónar í þeim störfum sem framundan eru og varða göngur og réttir:

• „Áhersla er lögð á að hver og einn beri ábyrgð á eigin athöfnum og að: „Við erum öll almannavarnir“.
• Sveitarstjórn telst vera stjórn fjallskilaumdæmis og ber ábyrgð á framkvæmd gangna og rétta og ber að tryggja að reglum um sóttvarnir sé fylgt eftir.
• Ef ekki er hægt að tryggja að framkvæmd gangna og rétta sé í samræmi við sóttvarnarreglur þarf að sækja um undanþágu. Sveitarstjórn ber ábyrgð á því að sækja um slíka undanþágu á netfangið h rn@hrn.is. S já auglýsingu HRN 14. ágúst 2020. 10.gr.
• Vegna fjöldatakmarkana er mælst til þess að gestir komi ekki til réttarstarfa. Því verður fylgt strangt eftir að við réttarstörf séu ekki fleiri en 100 manns.
• Allir sem taka þátt í göngum og réttum skulu hlaða niður smitrakningarappi almannavarna.
• Vegna smitvarna er mælst til þess að áfengi verði ekki haft um hönd.
• Fjallaskálar/húsnæði sem notað er við göngur eru eingöngu opin fyrir smala og þá sem hafa hlutverk í göngum/leitum þann tíma sem göngur/leitir standa yfir. Ábyrgðaraðili fjallskila tryggir í samvinnu við rekstraraðila húsnæðis að svo megi verða.“