Gilsbakki

Hafsteinn er fæddur í Kópavogi og Ann-Charlotte í Ludvika í Svíaríki. Lífsleiðir fléttuðust saman í Öxarfirði fyrir 12 árum síðan. Við keyptum jörðina 2012 eftir að hafa leitað að jörð í þó nokkurn tíma. 

Við höfum smám saman verið að fjölga fé og bæta stofninn með aðstoð góðra granna og vina.

Býli:  Gilsbakki.

Staðsett í sveit:  Öxarfirði.

Ábúendur: Hafsteinn Hjálmarsson og Ann-Charlotte Fernholm.

Fjölskyldustærð (og gæludýra): 

Brynjar Freyr, 18 ára, Bergþór Logi, 13 ára, Carl Mikael, 7 ára, Isabella Ásrún, 5 ára, smalatíkin Ronja og kötturinn Brandur.

Stærð jarðar?  Um 600 ha með landi Gilhaga, óskipt heiðarland milli jarðanna. Ræktað land beggja jarða 55ha sem við nýtum.

Gerð bús? Sauðfjárbú.

Fjöldi búfjár og tegundir? Um 500 vetrarfóðraðar kindur, 7 hross, 9 endur og 8 hænur.

Hvernig gengur hefðbundinn vinnudagur fyrir sig á bænum? 

Árstíðabundið eins og gengur og gerist á sauðfjárbúum. Bóndinn heimavinnandi og húsfrúin kennari í grunnskólanum.

Skemmtilegustu/leiðinlegustu bústörfin? Öll bústörf eru skemmtileg þegar vel gengur. Nema kannski skítasköfun.

Hvernig sjáið þið búskapinn fyrir ykkur á jörðinni eftir fimm ár? Með svipuðu sniði en vonandi getur frúin unnið meira heima.

Hvaða skoðun hafið þið á félagsmálum bænda? Þau eru í góðum höndum þeirra sem hafa vit á því!

Hvernig mun íslenskum landbúnaði vegna í framtíðinni? Vonandi vel, en það byggist á að framleiðsluvörurnar seljist og viðunandi verð fáist fyrir þær.

Hvar teljið þið að helstu tækifærin séu í útflutningi íslenskra búvara? Halda á lofti gæðum og hreinleika vörunnar.

Hvað er alltaf til í ísskápnum? Pepsi, ostur, smjörvi og egg.

Hver er vinsælasti maturinn á heimilinu? Ærfille, grjónagrautur, lambahryggur.

Eftirminnilegasta atvikið við bústörfin? Fyrsti sauðburðurinn eftir að við keyptum jörðina.