Vinsamlegast athugið að þetta efni er eldra en 7 ára.
Sýklalyfjanotkun í landbúnaði er langminnst á Íslandi og í Noregi
Fréttir 20. október 2016

Sýklalyfjanotkun í landbúnaði er langminnst á Íslandi og í Noregi

Höfundur: Hörður Kristjánsson
Ekkert lát er á óhóflegri notkun sýklalyfja í evrópskum landbúnaði. Það hefur m.a. leitt til ört vaxandi aukningar sýklalyfjaónæmra baktería sem berast í fólk. Staðan í íslenskum landbúnaði er eftir sem áður með því besta sem þekkist. Er hvergi notað minna af sýklalyfjum  í þessari grein á hvern grip en hér á landi og Noregi.
 
 
Salan á virkum fúkkalyfjum í 29 Evrópulöndum 2014 nam 8.176 tonnum og nærri 67% af því var notað í þrem löndum, þ.e. á Spáni, í Þýskalandi og á Ítalíu. Þetta má lesa út úr nýjusti skýrslu Lyfjastofnunar Evrópu (European Medicine Agency – EMA). Hún ber titilinn „Sala sýklalyfja til dýralækninga í 29 Evrópulöndum 2014 – þróun á árunum 2011 til 2014.“
 
Sem fyrr er notkunin á Íslandi með því langminnsta sem þekkist. Fram kemur í skýrslunni að mest er notkun sýklalyfja í landbúnaði á Spáni. Þar er hún rúmlega 80 sinnum meiri mælt í milligrömmum á þyngdareiningu (mg/PCU) en á Íslandi. Inni í tölunum eru lyf sem blandað er í fóður sem fyrirbyggjandi varnir og sem vaxathvetjandi efni. Á Spáni er nær 70% af sýklalyfjunum blandað í fóður, eða 292,1 mg/PCU af 418,8 mg/PCU heildarmagni. Á Íslandi er talan 0, en 0.9% í Noregi. Langstærsti hluti þess litla sýklalyfjamagns sem  hér er notað er beitt ef dýr veikjast og er þá gefið með sprautum í samráði við dýralækna. Það eru 4,5 mg/PCU á meðan Spánverjar eru að nota 17,2 mg/PCU af sprautulyfjum auk gríðarlegs magns annarra lyfjaforma. 
 
Þegar skoðuð er sala á lyfjum í sprautuformi eingöngu, er hlutfallið á grip hæst í Króatíu og næsthæst á Ítalíu. Síðan kemur Spánn, Kýpur, Eistland, Danmörk og Frakkland. Salan á sprautulyfjum er hins vegar hlutfallslega lægst í Noregi og síðan á Íslandi og í Austurríki. 
 
Hin mikla sýklalyfjanotkun í Evrópu sem fram kemur í úttekt  EMA sýnir að ekki hefur verið brugðist við viðvörunum læknasamtaka um nauðsyn þess að draga úr sýklalyfjanotkun. Þeir hafa varað við afleiðingunum sem er mikil aukning  lyfjaónæmra baktería eins og MRSA. Þegar sýklalyfjaónæmar bakteríur berast í fólk er voðinn vís. Veldur þetta ört vaxandi vanda á sjúkrahúsum og fjölgar hratt í þeim hópi sem læknar hafa engin úrræði til að bjarga. Tugir þúsunda látast nú árlega í Evrópu vegna sýkinga sem ekki er hægt að ráða við með sýklalfjum. 
 
Að vísu minnkað notkunin sýklalyfja í landbúnaði örlítið frá 2011 til 2013, en frá 2013 til 2014 jókst hún á ný um 7,5%. Bent hefur verið  á að vegna ástandsins sé farið að nota mun meira af sterkum lyfjunum eins og colistin macrolides. Það eru svokallað lokaúrræðalyf til að reyna að drepa ofursýkingar í fólki. Eins hefur sala á nýjasta lyfinu fluoroquinolones aukist en það er m.a. notað við lífshættulegri lungnabólgu. Athygi vekur að þau lönd sem mest nota af sýklalyfjum eru þau sömu og framleiða megnið af kjötinu sem flutt er til Íslands. 
Ný og endurbætt vorbók
Fréttir 18. mars 2024

Ný og endurbætt vorbók

Á vordögum tökum við í notkun endurbætta útgáfu að hinni góðu gulu vorbók sem er...

Fræðasamfélag í uppbyggingu
Fréttir 18. mars 2024

Fræðasamfélag í uppbyggingu

Í Mývatnssveit er verið að byggja upp svokallaða vettvangsakademíu fyrir kennslu...

Einkaframtak í gerð gönguskíðaspora
Fréttir 18. mars 2024

Einkaframtak í gerð gönguskíðaspora

Magne Kvam hefur tekið upp á sitt einsdæmi að leggja spor fyrir skíðagöngu á höf...

Íbúum utan borgarinnar fjölgar
Fréttir 15. mars 2024

Íbúum utan borgarinnar fjölgar

Yfirlit yfir þróun byggðar hérlendis er eitt verkefna Byggðastofnunar, en nýveri...

Kolefniseiningar tilvonandi tekjustoð í búrekstrinum
Fréttir 15. mars 2024

Kolefniseiningar tilvonandi tekjustoð í búrekstrinum

Oddný Steina Valsdóttir og Ágúst Jensson, bændur á Butru í Fljótshlíð, eru fyrst...

Fimm tegundir teknar af skrá
Fréttir 15. mars 2024

Fimm tegundir teknar af skrá

Samkvæmt niðurstöðum áburðareftirlits Matvælastofnunar fyrir innfluttan tilbúinn...

Loftslag
Fréttir 15. mars 2024

Loftslag

Gagnvirkur loftslagsatlas sýnir fortíð og spáir fyrir um framtíð.

Bændavakt á Búnaðarþingi
Fréttir 14. mars 2024

Bændavakt á Búnaðarþingi

Búnaðarþing er nú haldið á Hótel Reykjavík Natura. Á Bændavakt á vef Bændasamtak...