Frá Mjólkurbúi Borgfirðinga í Borgarnesi árið 1984.
Frá Mjólkurbúi Borgfirðinga í Borgarnesi árið 1984. Hér hanga skyrpokar „til þerris“ eins og sagt var, en þá lekur mysan úr þeim. Kom fram í frétt Dagblaðsins Vísi sama ár að skyrvinnsla hafi aukist um 20% eftir að farið var að pakka „gamla“ skyrinu í sérstaka poka fyrir neytendamarkað. Einnig kemur fram í fréttinni að töluverð aukning sé á mjólkurmagni, eða um 7% á landinu. Orsökin var að margir bændur höfðu þá bætt við sig búpeningi og jafnvel aukið kjarnfóðurgjöf þrátt fyrir ítrekanir yfirvalda um að draga skyldi úr mjólkurframleiðslunni. Þó var niðurstaðan sú að mikil uppbygging væri í mjólkuriðnaði og framleiðslu. Mætti áætla að innan fimm ára yrði jöfnuður kominn á og þá hæfa vel neyslu landsmanna. Forveri Mjólkurbús Borgfirðinga var mjólkursuðufyrirtæki nokkurt sem var starfrækt á Beigalda í Borgarfirði. Þar brunnu húsin árið 1925 en úr rústum þeirra varð til Mjólkurfélagið Mjöll sem hóf starfsemi sína ári síðar. Árið 1931 var starfsemin komin undir hatt Kaupfélags Borgfirðinga sem nefndu mjólkurfélagið Mjólkursamlag Borgfirðinga, sem svo hætti starfsemi um áramótin 1994–1995.
