Fór í stærsta turn í heimi
Andreas Haraldur er nýlega fluttur í Flóahrepp með foreldrum og þremur systrum.
Hann á ættir að rekja til Japans og Þýskalands og langar að heimsækja þessi lönd. Andreas stundar hestamennskuna og er mjög áhugasamur um að rækta hross.
Nafn: Andreas Haraldur Ketel.
Aldur: 12 ára.
Stjörnumerki: Steingeit.
Búseta: Lækjarbakki í Flóa.
Hvað finnst þér skemmtilegast í skólanum? Íþróttir, vera með vinum mínum.
Hvert er uppáhaldsdýrið þitt? Ef ég má velja hvaða dýr sem er myndi ég klárlega velja úlfinn.
Ef það er verið að spyrja um dýr í sveit þá segi ég hundur.
Uppáhaldshljómsveit: Á enga uppáhaldshljómsveit en Khalid er í miklu uppáhaldi núna.
Uppáhaldskvikmynd: Rampage.
Fyrsta minning þín? Fyrsta minning mín í fljótu bragði var þegar ég var í leikskólanum að Hólum í Hjaltadal að leika mér í stóra skóginum með pabba, mömmu og Kamillu.
Æfir þú íþróttir eða spilarðu á hljóðfæri? Ég æfi fótbolta og hef mjög gaman af.
Hvað er það klikkaðasta sem þú hefur gert? Þegar ég fór til Dubai og fór meðal annars í Burj Kalifa, stærsta turn í heimi, með fjölskyldunni.
Næst » Þar sem Eva Rut skoraði á mig ætla ég að skora á Soffíu Náttsól sem býr í Forsæti 2.
