Breytt fyrirkomulag eftirlits Matvælastofnunar í matvælafyrirtækjum
Matvælastofnun bendir á breytt fyrirkomulag eftirlits í matvælafyrirtækjum í tilkynningu á vef sínum. Þar segir að áhersla sé nú á rafrænar lausnir. Tilgangurinn er að fyrirbyggja að eftirlitsheimsóknir geti leitt til frekari útbreiðslu á kórónuveirunni.
„Reglubundið eftirlit mun fylgja eftirlitsáætlun. Til að koma til móts við óskir framleiðenda um takmarkaðan aðgang að fyrirtækjum og vegna smithættu verður leitast við að hluti eftirlits fari fram í fjarfundarbúnaði eða á annan sambærilegan hátt með rafrænum lausnum. Þar með næst að staðfesta að þær fyrirbyggjandi aðgerðir í matvælafyrirtækjum sem er ætlað að tryggja öryggi matvæla séu virkar nú sem áður. Þess er vænst að fyrirtæki leggi fram þau gögn sem óskað er eftir af hálfu eftirlitsmanns.
Um leið og aðstæður leyfa mun eftirlit fara fram á hefðbundinn hátt,“ segir í tilkynningunni.
Ítarefni Matvælastofnunar:
