Atlantshafið og árstíðirnar – Húnaflói að vori

Höfundur: Katrín Andrésdóttir

Þetta sjal vann til verðlauna í hönnunarsamkeppni í Danmörku fyrir nokkrum árum, þar sem þemað var hafið. Katrín Andrésdóttir hannaði. Það er mælt með fimm hespum af Þingborgar-tvíbandi, jurtalituðu og/eða sauðalitum í þetta sjal og pakkar með efni fást í Ullarversluninni Þingborg. Eins er hægt að velja þá liti sem til eru í Þingborg, þar er frábært úrval af jurtalituðu bandi.

Eins er hægt að nota einfaldan eða tvöfaldan Þingborgarlopa, allt eftir því hvernig áferðar er óskað. Blanda af einföldum lopa og LoveStory frá Helene Magnússon er líka frábær blanda í þetta sjal. Svo má líka láta hugmyndaflugið ráða hvaða efni er notað, allt eftir því hvað er til hverju sinni. Um að gera að prófa sig áfram.

Sjalið:

Prjónið er þannig uppbyggt að byrjað er neðst, prjónaðir þríhyrningar, síðan teknar upp lykkjur sitthvoru megin á tveim þríhyrningum og prjónaður nýr þríhyrningur. Þú velur sjálf hvernig þú vilt velja litina og raða þeim, athugaðu bara að ef þú ætlar ekki að hafa það röndótt þá þarftu amk fjóra liti.

Efsta bylgjuumferðin er prjónuð með styttum umferðum, sömuleiðis slétti lokakaflinn. v&s = „vefja og snúa“, bandi brugðið aftur (fram) fyrir óprjónaða lykkju, prjónað til baka.

Hér eru fínar leiðbeiningar um styttar umferðir: http://knotions.com/techniques/how-to-knit-shortrows/

Haf:

1. umferð: Fitjaðar upp 32 lykkjur, prjónuð ein umferð. Síðan prjónaðar saman tvær lykkjur í upphafi hverrar umferðar. Prjónaðir sjö þríhyrningar.

2. umferð: Teknar upp fimmtán lykkjur á sitthvorri skammhlið tveggja þríhyrninga, alls 30 lykkjur. Tvær lykkur prjónaðar saman í upphafi hverrar umferðar. Endabútar: Teknar upp 15 lykkjur af skammhliðinni, tvær lykkjur prjónaðar saman við upphaf hverrar umferðar frá skammhlið. Allir endabútar prjónaðir á sama hátt þótt lykkunum fækki.

3. umferð: Teknar upp fjórtán lykkjur á sitthvorri skammhlið tveggja þríhyrninga, alls 28 lykkjur. Tvær lykkur prjónaðar saman í upphafi hverrar umferðar.

4. umferð: Teknar upp þrettán lykkjur á sitthvorri hlið tveggja þríhyrninga alls 26 lykkjur. Tvær lykkjur prjónaðar saman í upphafi hverrar umferðar.

5. umferð: Teknar upp tólf lykkjur á sitthvorri hlið, alls 24 lykkjur. Tvær lykkur prjónaðar saman í upphafi hverrar umferðar.

6. umferð: Teknar upp ellefu lykkjur á sitthvorri hlið, alls 22 lykkjur. Tvær lykkur prjónaðar saman í upphafi hverrar umferðar.

7. umferð: Lokaumferðin eða upphafið að himninum. Teknar upp tíu lykkjur sitthvoru megin.

Síðan prjónaðar 14 lykkjur (að miðju og fjórar lykkjur til viðbótar), v&s, prjónaðar 8 lykkjur (að miðju og fjórar til viðbótar), v&s prjónaðar níu lykkjur (að miðju og fimm til viðbótar) og svo áfram koll af kolli þar til allar lykkjunar eru prjónaðar. Ganga þannig frá öllum efstu vikunum, þá eru 130 lykkjur á prjóninum. Ekki prjóna saman v&s lykkjurnar.