Tollur fylgir ekki verðlagi
Á deildarfundi eggjabænda hjá Bændasamtökum Íslands lögðu fulltrúar áherslu á að tryggja þurfi starfskilyrði greinarinnar. Þar sem krónutölur í magntollum fylgdu ekki verðlagi væri tollurinn hættur að veita vörn gegn innflutningi.
Eggjabændur veltu jafnframt upp þeim möguleika að allar búgreinadeildir í hvíta geiranum sameinist, það er svínabændur, kjúklingabændur og eggjabændur, enda hagsmunamálin oft þau sömu. Fáir félagsmenn eru í hverri deild, en veltan og framleiðslan mikil á hverju búi. Fundarmenn lögðu áherslu á ef að sameiningu yrði þyrftu að tryggja að eggjabændur ættu alltaf fulltrúa í stjórn.
Á deildarfundinum var samþykkt að stofna vinnuhóp í samvinnu við hinar tvær deildirnar til þess að skoða kosti og galla sameiningar. Skoða þurfi sérstaklega fjölda Búnaðarþingsfulltrúa verði af sameiningu þeirra. Þrír sitja í aðalstjórn deildar eggjabænda. Halldóra Hauksdóttir hjá Græneggjum í Sveinbjarnagerði á Svalbarðsströnd var endurkjörinn sem formaður til tveggja ára. Þá voru Andri Freyr Þórisson hjá Nesbúi á Vatnsleysuströnd og Arnar Árnason hjá Gæðaeggjum á Hranastöðum kosnir til áframhaldandi setu í að Stefán Már Símonarson hjá Stjörnueggjum á Vallá á Kjalarnesi var valinn sem varamaður.
