Vinsamlegast athugið að þetta efni er eldra en 7 mánaða.
Stjórn og varastjórn deildar hrossabænda með nýjan formann, Ólaf Þórisson, fyrir miðri mynd.
Stjórn og varastjórn deildar hrossabænda með nýjan formann, Ólaf Þórisson, fyrir miðri mynd.
Mynd / Edda Kristín Sigurjónsdóttir
Fréttir 9. apríl 2026

Nýr formaður hrossabænda

Höfundur: Edda Kristín Sigurjónsdóttir

Skeggrætt var á fundi hrossabænda. Ólafur Þórisson er nýr formaður.

Hiti var í fundinum og áleitnum spurningum velt upp. Fráfarandi formaður sagði að virkja þyrfti félagskerfi hrossabænda, þátttaka endurspeglaði ekki umfang greinarinnar.

Margslungin búgrein

Dagskrá deildarfundar hrossaræktenda var hefðbundin en ljóst að hiti var í fundargestum enda þó nokkrir sem kváðu sér endurtekið hljóðs. Nanna Jónsdóttir gaf ekki kost á sér til áframhaldandi formennsku og var Ólafur Þórisson sjálfkjörinn eftirmaður hennar og situr næstu þrjú árin. Aðrir stjórnarmenn höfðu enn ekki lokið stjórnarsetu sinni og sitja því áfram en það eru Guðný Helga Björnsdóttir, Jón Vilmundarson, Agnar Þór Magnússon og Ólafur Sigurgeirsson. Ný varastjórn var kjörin á fundinum. Fyrsti varamaður var kjörinn Þórdís Ingunn Björnsdóttir, annar Rúnar Þór Guðbrandsson og þriðji varamaður Sonja Líndal.

Stundum var stutt í grínið og skondin orð látin falla en annars gekk á með hæðum og lægðum á fundinum sem fram fór síðdegis og teygði sig inn í kvöldið. Fráfarandi formaður Nanna Jónsdóttir fór yfir skýrslu stjórnar og áréttaði að hrossarækt væri mögnuð atvinnugrein með marga anga sem hefðu styrkst í gegnum árin, hún telur tækifærin vera mörg fyrir hrossabændur. Hún sagði þó þurfa að virkja félagskerfi hrossaræktenda til að auka þátttöku þeirra í starfi deildarinnar. Nanna sagði flestar aðrar búgreinar fyrst og fremst sinna matvælaframleiðslu á meðan hrossaræktendur væru með verðmætaskapandi kerfi sem byggi frekar á munaði. „Við skulum ekki gera lítið úr matvælaframleiðsluþætti hrossaræktar, þegar ég horfi yfir hjörðina mína fyllist ég öryggistilfinningu, sér í lagi á stríðstímum“, sagði Ólafur Sigurgeirsson sem stýrði fundinum, þegar Nanna hafði lokið máli sínu.

Ekki meira fjármagn til Horses of Iceland

Farið var yfir markaðsátaksverkefnið Horses of Iceland sem haldið hefur verið úti undanfarin 10 ár í samstarfi við Íslandsstofu og hefur kostað um 30 milljónir á ári. Verkefnið hefur LÍFRÆN SKOLP að mati verkefnisstjóra gengið mjög vel og skapað mikil verðmæti. Áhrifavaldar léku mikilvægt hlutverk í verkefninu og náðu gríðarlegri athygli með efni sem þeir deildu og náði til milljóna manns. Nú stendur yfir endurskoðun á fjármagni ríkisins til kynningarmála og því hefur ekki fengist frekara fjármagn til að halda verkefninu áfram. Það er því í biðstöðu enn sem komið er. Mikil synd þykir ef það heldur ekki áfram.

Sá undir iljarnar á splúnku nýjum formanni í bláfundarlok, hann þurfti enda að mæta til keppnisstarfa á Hellu um rökkurbil, hann þakkaði Nönnu fyrir sín störf og kvaðst hlakka til að vinna með stjórn á komandi tíð. Í framboðstilkynningu sinni sagði Ólafur „mig langar að leggja mitt af mörkum til að sýnileiki hrossaræktarinnar í samfélaginu verði sem mestur og við munum halda áfram að þróast og fylgja þeim málefnum sem munu hjálpa hrossaræktinni að lifa og dafna sem best í framtíðinni. Virkja grasrótina, styrkja grunnstoðir og vera sýnileg á sem flestum stöðum.“ Hann rekur ásamt konu sinni, Söru Maagaard Nielsen, hrossaræktar- og tamningarstöð í Miðkoti í Landeyjum.

Skylt efni: Hrossarækt | Búnaðarþing

Sláturdilkum fjölgar á milli ára í fyrsta skipti frá 2017
Fréttir 20. nóvember 2026

Sláturdilkum fjölgar á milli ára í fyrsta skipti frá 2017

Sauðfjárslátrun er nú lokið í öllum stærri sláturhúsum landsins og er nú ljóst a...

66°Norður í félag við kínverskt fatafyrirtæki
Fréttir 19. nóvember 2026

66°Norður í félag við kínverskt fatafyrirtæki

Sjóklæðagerðin sem er framleiðandi og sölulaðili 66°Norður hefur stofnað til sam...

Losunarstuðlar fyrir Ísland innleiddir
Fréttir 19. nóvember 2026

Losunarstuðlar fyrir Ísland innleiddir

Unnið er að því að innleiða íslenska losunarstuðla fyrir framræst votlendi inn í...

Tafir á skýrsluskilum samráðshóps
Fréttir 19. nóvember 2026

Tafir á skýrsluskilum samráðshóps

Til stóð að skýrslu yrði skilað til umhverfis-, orku- og lofts- lagsráðherra 15....

Engin alvarleg frávik á svínabúinu
Fréttir 19. nóvember 2026

Engin alvarleg frávik á svínabúinu

Engin alvarleg frávik frá reglum um velferð svína komu fram í eftirlitsheimsókn ...

Unnið gegn efnahagslegum hvötum sem hafa skaðleg áhrif á náttúruna
Fréttir 18. nóvember 2026

Unnið gegn efnahagslegum hvötum sem hafa skaðleg áhrif á náttúruna

Svokölluð Yerevan áætlun var samþykkt á þingi aðildarríkja um samning Sameinuðu ...

Nýtt fræhús á Vöglum
Fréttir 18. nóvember 2026

Nýtt fræhús á Vöglum

Nýtt fræhús á Vöglum í Fnjóskadal var formlega afhent Land og skógi af Jóhanni P...

Þjónusta Microsoft liggur niðri
Fréttir 13. nóvember 2026

Þjónusta Microsoft liggur niðri

Vegna vandræða í kerfum Microsoft liggur tölvupóstur Bændablaðsins tímabundið ni...