Íslenskur vélhjólamaður fann rússneskt flöskuskeyti í Þykkvabæjarfjöru

Laugardaginn 25. febrúar var Atli Már Guðnason frá Borg í Þykkvabæ í heimsókn í Þykkvabænum og brá sér niður í fjöru og fann þar flöskuskeyti á rússnesku.

 

Félagi Atla, Karl Sigurðsson, tók mynd á símann sinn af skeytinu og sendi á netfangið sem gefið var upp með þessum skilaboðum: „Hi, just found this“. Stuttu seinna kom svar frá rússneskum manni að nafni Alexey Kolesnikov sem var á rannsóknarskipinu Akademik Fedorov 2014 í Norðuríshafinu. Í þeirri ferð setti Alexey nokkur flöskuskeyti í sjóinn við ísröndina í ágúst 2014 þegar þau voru norður af Austur-Síberíu.

 

Samkvæmt því mun staðsetning skipsins hafa verið nálægt 80 gráður N. og 160 gráður A., en staðurinn í Þykkvabæjarfjöru þar sem skeytið rak á land er nálægt því að vera í 63,45 N og 20,40 A. Líklega eru þetta yfir 3.000 sjómílur, eða yfir 5.000 kílómetrar stystu sjóleið. Flöskuskeytið hefur þó væntanlega verið að hrekjast í hafinu eftir krókaleiðum í sjónum í rúmlega tvö og hálft ár um mun lengri vegalengd.  

 

Atli með flöskuna í fjörunni. Mynd / Sævar Bjarki Einarsson.

 

Fastir í ísnum rétt norðan við 80 gráður norður. Mynd / skipverjar á Akademik Fedorov

 

Spennuþrungin stund, Karl Sigurðsson, til vinstri, og Atli Már Guðnason, til hægri, hjálpast við að ná skeytinu frá Alexey Kolesnikov úr flöskunni.