Vinsamlegast athugið að þetta efni er eldra en 7 mánaða.
Loftmynd af sundlaugarsvæðinu og íþróttamannvirkjum í Borgarnesi. Nýtt fjölnota íþróttahús er í byggingu á grasvallarsvæðinu og verður það tekið í notkun í sumarlok.
Loftmynd af sundlaugarsvæðinu og íþróttamannvirkjum í Borgarnesi. Nýtt fjölnota íþróttahús er í byggingu á grasvallarsvæðinu og verður það tekið í notkun í sumarlok.
Mynd / Aðsend
Fréttir 9. apríl 2026

Endurbótum á íþróttamiðstöðinni lokið

Höfundur: Magnús Hlynur Hreiðarsson

- Risa vatnsrennibraut opnuð í sumar

Framkvæmdum við íþróttamannvirki í Borgarnesi er lokið en í sumar verður risavatnsrennibraut tekin í notkun.

„Við vorum að endurbæta kvennaklefann og karlaklefann og kvennaklefinn var stækkaður fyrir tveimur árum síðan en ekki klárað að lafæra gamla hlutann af honum. Það voru líka settar upp nýjar sturtustýringar, flísar á veggi, skipt út niðurföllum og „epoxy“ sett á gólf, ásamt nýjum salernum og handlaugum og þvottastöð í hvorn klefann, sem auðvelda öll þrif. Í karlaklefanum var það sama uppi á teningnum nema breytingin er sú að við bættum við hann nýrri sturtuaðstöðu. Gömlu aðstöðunni var breytt í þurrksvæði og bætt við skápum. Einnig voru settar sundfatavindur í klefann, sem mælist vel fyrir“, segir Kristinn Óskar Sigmundsson, forstöðumaður íþróttamannvirkja í Borgarnesi aðspurður um framkvæmdir, sem var að ljúka við íþróttamiðstöðina í Borgarnesi.

50 milljón króna verkefni

Kristinn segir að fastagestir séu mjög ánægðir með útkomuna og ekki síður starfsfólk íþróttamannvirkjanna. Það voru PJ byggingar, sem var aðalverktaki að verkinu, ásamt verktökum úr heimabyggð. Kostnaður er um 50 milljónir króna.

Risarennibraut með ljósaupplifun

Framkvæmdum við sundlaugina er ekki lokið því þar verður sett upp risarennibraut með alls konar ljósaupplifun, sem verður opnuð í sumar. „Já, það er gaman að segja frá því. Við erum með þrjár brautir í dag, engar risabrautir en enga að síður mjög flottar brautir. Þær voru byggðar árið 1997 og eru því komnar vel til ára sinna. Við þurftum að taka eina brautina úr umferð í fyrra þar sem brautin var orðin mjög illa farin, startpallurinn brotinn og vatn farið að leka undan honum. Við fórum því í það að láta taka þær út til að meta ástandið á þeim og var það ekki talið vænlegt að laga þær. Við fórum því af stað með útboð á nýjum brautum. Það var fyrirtækið Á Óskarsson, sem var lægst bjóðandi í verkið. Brautirnar verða að mestu leyti með sama sniði og gömlu. Við munum þó breyta litasamsetningunni, nú verður ekki græna bláa og gula, heldur appelsínugula, græna og gula. Einnig verður ljósaupplifun og eitthvað skemmtilegt í lokuðu brautinni. Framkvæmdir munu hefjast um miðjan maí og stefnum við á opnun í lok júní“, segir Kristinn Óskar.

200 þúsund gestir

Á hverju ári koma um 200 þúsund gestir í íþróttamannvirkin í Borgarnesi. „Já, þetta er stór hópur en við erum með líkamsræktarstöð og spinningsal, íþróttasal þar, sem stundaðar eru skólaíþróttir, körfubolta, fótbolta og frjálsíþróttaæfingar, Boccia, íþróttaskóli og ungbarnasund fyrir yngstu kynslóðina ásamt ýmsu öðru þannig að umferðin er mikil í gegnum húsið. Það má segja að þetta sé eins og umferðarmiðstöð eða ein stór félagsmiðstöð. Ég segi oft að þetta sé stærsta félagsmiðstöðin í Borgarbyggð. Svo yfir sumartímann er gríðarlegur fjöldi ferðamanna sem sækir sundlaugina,“ segir Kristinn Óskar að lokum.

Skylt efni: Borgarnes

Sláturdilkum fjölgar á milli ára í fyrsta skipti frá 2017
Fréttir 20. nóvember 2026

Sláturdilkum fjölgar á milli ára í fyrsta skipti frá 2017

Sauðfjárslátrun er nú lokið í öllum stærri sláturhúsum landsins og er nú ljóst a...

66°Norður í félag við kínverskt fatafyrirtæki
Fréttir 19. nóvember 2026

66°Norður í félag við kínverskt fatafyrirtæki

Sjóklæðagerðin sem er framleiðandi og sölulaðili 66°Norður hefur stofnað til sam...

Losunarstuðlar fyrir Ísland innleiddir
Fréttir 19. nóvember 2026

Losunarstuðlar fyrir Ísland innleiddir

Unnið er að því að innleiða íslenska losunarstuðla fyrir framræst votlendi inn í...

Tafir á skýrsluskilum samráðshóps
Fréttir 19. nóvember 2026

Tafir á skýrsluskilum samráðshóps

Til stóð að skýrslu yrði skilað til umhverfis-, orku- og lofts- lagsráðherra 15....

Engin alvarleg frávik á svínabúinu
Fréttir 19. nóvember 2026

Engin alvarleg frávik á svínabúinu

Engin alvarleg frávik frá reglum um velferð svína komu fram í eftirlitsheimsókn ...

Unnið gegn efnahagslegum hvötum sem hafa skaðleg áhrif á náttúruna
Fréttir 18. nóvember 2026

Unnið gegn efnahagslegum hvötum sem hafa skaðleg áhrif á náttúruna

Svokölluð Yerevan áætlun var samþykkt á þingi aðildarríkja um samning Sameinuðu ...

Nýtt fræhús á Vöglum
Fréttir 18. nóvember 2026

Nýtt fræhús á Vöglum

Nýtt fræhús á Vöglum í Fnjóskadal var formlega afhent Land og skógi af Jóhanni P...

Þjónusta Microsoft liggur niðri
Fréttir 13. nóvember 2026

Þjónusta Microsoft liggur niðri

Vegna vandræða í kerfum Microsoft liggur tölvupóstur Bændablaðsins tímabundið ni...