Góð stemning á fjárlitasýningu í Árbæjarhjáleigu
Höfundur: Magnús Hlynur Hreiðarsson
Fjárræktarfélagið Litur í Holta- og Landsveit í Rangárþingi ytra stóð nýlega fyrir fjárlitasýningu á bænum Árbæjarhjáleigu hjá Kristni Guðnasyni og fjölskyldu.
Mjög margt fólk mætti á sýninguna og hafði gaman af. Jón Vilmundarson, fyrrverandi ráðunautur hjá Búnaðarsambandi Suðurlands, sá um dómarastörf. Þá fengu gestir að velja litfegursta lambið.