Bjarni Diðrik Sigurðsson skógfræðingur og prófessor við LbhÍ.
31. ágúst 2019

Námskeið: Sveppir og sveppatínsla

Námskeið á vegum Endurmenntunar LbhÍ fyrir alla sem vilja fræðast um sveppi sem finna má á Íslandi. Hvaða sveppi er óhætt að nota í matargerð og hvaða sveppir henta ekki? Haldið í samstarfi við IÐUNA fræðslumiðstöð

Námskeiðið skiptist í tvennt, fyrri hlutinn er á formi fyrirlestra og sýnikennslu í greiningu og frágangi sveppa en í seinni hlutanum er farið út í skóglendi í  verklega kennslu. Nemendur fara þá út ásamt kennara og fá aðstoð og kennslu við þær aðferðir sem notaðar eru til að tína matarsveppi. Þá læra nemendur að greina og hreinsa sveppi. Fjallað verður um helstu geymsluaðferðir sveppa og eins helstu nýtingarmöguleika. Kennari kynnir jafnframt bók sína: „Sveppahandbókin – 100 tegundir íslenskra villisveppa“ og þátttakendum býðst að kaupa hana á niðursettu verði ef þeir svo kjósa.

Nemendur mæta í fatnaði sem hæfir veðri, taka með sér fötur/körfur til að tína sveppina í, heppilegan hníf fyrir hreinsun og ílát fyrir uppskeruna til að taka með heim.

Kennsla: Bjarni Diðrik Sigurðsson skógfræðingur og prófessor við LbhÍ.

Tími: Lau. 31. ágúst, kl. 10:00-17:00 (7 kennslustundir) hjá LbhÍ á Keldnaholti í Reykjavík og nærliggjandi skóglendi.

Verð: 17.900kr (innifalið eru námsögn og kennsla, en ekki hádegismatur) 

Á döfinni