Sama verð inn á söfnin fjögur í sveitarfélaginu
Í Fjarðabyggð eru fjögur söfn en þau eru Frakkar á Íslandsmiðum, Íslenska stríðsárasafnið, Sjóminjasafn Austurlands og Safnahúsið í Neskaupstað. Fram að þessu hefur þurft að greiða aðgangseyri inn á hvert safn en nýlega varð sú breyting á að nú er eitt samræmt verð inn á öll fjögur söfnin og miði á eitt safn gildir á þau öll. Nú fá líka öll börn gjaldfrjálsan aðgang að söfnunum og námsmenn.
„Við erum um þessar mundir að vinna í mjög spennandi verkefni sem snýst um að samræma og sameina söfnin sem Menningarstofa leiðir. Að vera með eitt gjald fyrir allar sýningar er hluti af þessari vinnu og gerir gestum auðveldara að heimsækja fleiri en eitt safn og átta sig á því hversu margt er í boði. Viðtökurnar hafa verið rosalega góðar því við sáum strax aukningu í aðsókn á sumaropnunum 2025 eftir breytinguna, sem sýnir að þetta er klárlega að skila sér og gera söfnin aðgengilegri og sýnilegri, segir Þórhildur Tinna Sigurðardóttir, forstöðumaður Menningarstofu Fjarðabyggðar. Aðgangurinn kostar 2.400 krónur.
