Lambhúshetta

Höfundur: Inga Þyri Kjartansdóttir

Sá íslenski siður að láta börn sofa úti nánast frá fæðingu kemur útlendingum oft spánskt fyrir sjónir.

Hins vegar eru börnin vel og hlýlega klædd og þetta herðir þau og styrkir.

Lambhúshettan góða er ein af þeim flíkum sem gera þetta mögulegt og ættu öll börn að eiga eina svona. Þessi uppskrift er góð hvað það varðar að loka vel yfir eyrun og hún vex með barninu.

Efni:

Baby star frá Kartopu 1 dokka ( til í 5 litum á www.garn.is) þar getið þið líka séð útsölustaðina víða um land.) Við notuðum bleika litinn fyrir þessa dömu.

Stærð: 6 mánaða, 1 árs, eins og hálfs árs og 2ja ára.

Prjónið gefur vel eftir, þess vegna endist húfan lengur.

Hringprjónn nr 3,5 – 4 eftir því hver fast er prjónað.

Sl = slétt prjón.

Br = brugðið prjón.

Sm= sentimetrar.

Lambhúshettan:

Fitjið laust upp með hringprjóninum 192-200-208-216 L og tengið í hring.

Prjónið 4 sl 4 br L 5- (5,5) -6 -(6,5) sm.

Þá kemur úrtaka: 2 sléttar saman tvisvar yfir sléttu lykkjurnar 4 brugðnar. (fallegra er að taka L óprjónaða, prjóna næstu slétt og steypa óprjónuðu lykkjunni yfir og taka síðan næstu 2 saman)

Næsta umferð er prjónuð slétt yfir slétt og brugðið yfir brugðið. þ.e. 2 sl 4 br.

Því næst eru prjónaðar 2 sl yfir sléttu lykkjurnar og 2 brugðnar saman tvisvar .

Þá eiga að vera á prjóninum 2 sl og 2 br. alls 96-100-104-108 l.

Prjónið nú 4-4,5-5-5,5 sm 2sl og 2 br.

Nú eru felldar af miðjulykkjurnar undir hökunni 16-18-18-20 L og haldið áfram að prjóna 2 sl 2 br fram og til baka.

Takið úr í byrjun umferðar 2,1,1 L sitt hvorum megin, þá eiga að vera 72-74-78-80 L á prjóninum.

Prjónið nú 2 sl og 2 br fram og til baka 11-12-13-14 sm. frá affellingunni undir hökunni.

Nú eru fitjaðar upp 16-18-18-20 L á móti þar sem áður voru felldar af jafn margar lykkjur og prjónað í hring 2 sl og 2 br.

Prjónað þannig í hring 2-3-3,5-4 sm.

Þá eru brugðnu lykkjurnar teknar tvær saman og sléttu lykkjurnar prjónaðar eins og áður.

Prjónað áfram í hring 2 sl og 1 br 2-3-3,5-4 sm.

Þá eru 2 sléttu lykkjurnar prjónaðar saman og prjónað áfram 1 sl og 1 br 2-3-3,5-4 sm.