Fjórðungsmót Vesturlands formlega sett

Fjórðungsmót Vesturlands var formlega sett í Borgarnesi í dag með skrúðgöngu hestamanna úr hestamannafélögunum á Vesturlandi og Norðurlandi. 

Ástmar Lárus Hannesson formaður Landssambands hestamannafélagana og Ingi Tryggvason formaður framkvæmdarnefndar mótsins gengu fyrir skrúðgöngunni.

Dagskrá hófst á félagssvæði hestamannafélagsins Skugga í Borgarnesi síðastliðinn miðvikudaginn en mótið nær hámarki í kvöld og um helgina. 

Í morgun fór fram forkeppni í opnum flokki í tölti. Eftir hádegi öttu knapar í yngri flokkum kappi í B-úrslitum. Í kvöld fer svo fram keppni í 100 metra fljúgandi skeiði og B-úrslit í tölti áður en slegið verður upp dansleik í reiðhöllinni.