Vinsamlegast athugið að þetta efni er eldra en 2 mánaða.
Halla Sif garðyrkjubóndi og eigandi Sólskins grænmetis.
Halla Sif garðyrkjubóndi og eigandi Sólskins grænmetis.
Mynd / eks
Fréttir 20. ágúst 2026

Halla Sif ein af 100 kvenhetjum FAO

Höfundur: Edda Kristín Sigurjónsdóttir

Halla Sif Svansdóttir Hölludóttir garðyrkjubóndi og eigandi Sólskins grænmetis hefur verið valin í hóp fyrstu 100 kvenhetja Matvæla- og landbúnaðarstofnunar Sameinuðu þjóðanna (FAO) í landbúnaði og byggðaþróun.

Í bréfi framkvæmdastjóra FAO segir að framlag hennar efli matvælaframleiðslu og bæti lífsskilyrði í dreifbýli og undirstriki mikilvægt framlag kvenna í landbúnaði. „Árangur Höllu er Íslandi til sóma“, segir Hanna Katrín Friðriksson atvinnuvegaráðherra.

Forvitin að hitta hinar 99

„Ég er forvitin að hitta hinar 99 konurnar í hópnum“, segir Halla sem á og rekur Sólskins grænmeti sem fæst í flestum verslunum, en einnig í Sólskinsbúðinni á Flúðum sem selur úrval af vörum frá framleiðendum í uppsveitum Árnessýslu.

Þetta er í fyrsta sinn sem stofnunin velur slíkan afrekshóp en 600 tilnefningar bárust frá 131 landi. Hvatinn að tilnefningum og vali á fyrstu kvenhetjunum er ár kvenna í landbúnaði hjá FAO, en til stendur að valið verði fastur liður.

„Aðgangur að tækifærunum er ekki alltaf jafn og ekki sjálfgefið að konur geti átt og rekið fyrirtæki hvar sem er í heiminum“, segir Halla. Hún keypti garðyrkjustöð á meðan hún var enn í námi í Garðyrkjuskólanum á Reykjum og stækkaði fljótlega við sig með kaupum á annarri og sameinaði undir merkjum Sólskins.

„Í landbúnaði skiptir til dæmis gríðarlega miklu máli að hafa aðgang að landi, fjármagni og fjölþættum innviðum. Við hérna við heimskautsbaug á Íslandi megum vera stolt af því hversu langt við erum komin í heilsársræktun, en á sama tíma er mikilvægt að muna að þessi staða er ekki sjálfgefin.“

Mikilvægt framlag kvenna

Í rökstuðningi með valinu segir í bréfi frá framkvæmdastjóra FAO Qu Dongyu að Halla hafi sýnt afdráttarlausa leiðtogahæfileika og elju í nýsköpun. Ennfremur að framlag hennar efli matvælaframleiðslu og bæti lífsskilyrði í dreifbýli. Árangurinn sem hún hefur náð endurspegli þau gildi sem FAO vill draga fram á þessu ári tileinkuðu konum í landbúnaði. Þar segir einnig að árangur Höllu Sifjar undirstriki mikilvægt framlag kvenna til uppbyggingar skilvirkari, réttlátari, öflugri og sjálfbærari landbúnaði og matvælaframleiðslu.

„Val Höllu Sifjar í þennan úrvalshóp kvenna endurspeglar ekki aðeins hennar eigin árangur, heldur einnig þann metnað sem Ísland hefur sýnt í að styðja konur sem leiðtoga, frumkvöðla, atvinnurekendur og bændur“, segir Hanna Katrín Friðriksson atvinnuvegaráðherra. „Árangur Höllu er Íslandi til sóma og sannur innblástur fyrir konur og ungt fólk um allan heim.“

 

Nánar verður rætt við Höllu í næsta blaði sem kemur út 27. ágúst.

Unnið gegn efnahagslegum hvötum sem hafa skaðleg áhrif á náttúruna
Fréttir 18. nóvember 2026

Unnið gegn efnahagslegum hvötum sem hafa skaðleg áhrif á náttúruna

Svokölluð Yerevan áætlun var samþykkt á þingi aðildarríkja um samning Sameinuðu ...

Nýtt fræhús á Vöglum
Fréttir 18. nóvember 2026

Nýtt fræhús á Vöglum

Nýtt fræhús á Vöglum í Fnjóskadal var formlega afhent Land og skógi af Jóhanni P...

Þjónusta Microsoft liggur niðri
Fréttir 13. nóvember 2026

Þjónusta Microsoft liggur niðri

Vegna vandræða í kerfum Microsoft liggur tölvupóstur Bændablaðsins tímabundið ni...

Matarmót Austurlands á laugardaginn
Fréttir 12. nóvember 2026

Matarmót Austurlands á laugardaginn

Matarmót Austurlands verður haldið í sjötta sinn í Sláturhúsinu á Egilsstöðum la...

Miðdalur fyrirmyndarbú
Fréttir 11. nóvember 2026

Miðdalur fyrirmyndarbú

Ábúendur í Miðdal í Kjósarhreppi fengu viðurkenningu sem fyrirmyndarbú deildar n...

Grænbók um landgræðslu og skógrækt í Samráðsgátt
Fréttir 11. nóvember 2026

Grænbók um landgræðslu og skógrækt í Samráðsgátt

Grænbók um landsáætlun í landgræðslu og skógrækt var nýlega sett í Samráðsgátt s...

Blásið til sóknar í lífrænum landbúnaði
Fréttir 10. nóvember 2026

Blásið til sóknar í lífrænum landbúnaði

Fagráð í lífrænum landbúnaði stendur fyrir málþinginu „Tíföldum lífræna framleið...

Fleiri fluttu til en frá öllum sveitarfélögum Vesturlands
Fréttir 10. nóvember 2026

Fleiri fluttu til en frá öllum sveitarfélögum Vesturlands

Búferlaflutningar hafa verið hagfelldir á Vesturlandi undan-arin fimm ár. Fleiri...

Marísól og leitin að gleðinni
18. nóvember 2026

Marísól og leitin að gleðinni

Vísnahornið
18. nóvember 2026

Vísnahornið

Nýtt fræhús á Vöglum
18. nóvember 2026

Nýtt fræhús á Vöglum

Stephan Briem með alþjóðlegan áfanga
18. nóvember 2026

Stephan Briem með alþjóðlegan áfanga

Gosi banar geimi
18. nóvember 2026

Gosi banar geimi

https://bestun.airserve.net/banner_bundles/de3e87e0d8dde67f98882b3ac12f8b2f