Beint frá býli dagurinn um helgina

Beint frá býli dagurinn verður haldinn sunnudaginn 23. ágúst. Þetta er fjórða árið í röð sem viðburðurinn er haldinn. Markmið viðburðarins er að vekja athygli á hugmyndafræði beint frá býli og smáframleiðslu matvæla, efla tengsl milli framleiðenda og neytenda og hvetja fleiri til að hasla sé völl á því sviði. 

Í tilkynningu frá Beint frá býli segir að viðburðurinn hafi fest sig í sessi sem fjölskylduvæn matarhátíð í íslenskri sveit.

Ennfremur segir að á hveru ári taki sjö lögbýli að sér að vera gestgjafar, eitt í hverjum landshluta. Á staðinn safnast saman aðrir smáframleiðendur úr landshlutanum til að kynna og selja sínar vörur. Ýmis afþreying er í boði til viðbótar við það sem býlin sjálf hafa uppá að bjóða og viðurðirnir því afar fjölskylduvænir. Nánari upplýsingar um hvern viðburð má finna á vef Beint frá býli.