Vinsamlegast athugið að þetta efni er eldra en 4 mánaða.
ListaVestrið er vettvangur fyrir samtímalist og menningarviðburði á Vestfjörðum.
ListaVestrið er vettvangur fyrir samtímalist og menningarviðburði á Vestfjörðum.
Mynd / Aðsend
Menning 6. júlí 2026

ListaVestrið haldin í fimmta sinn

Höfundur: Þröstur Helgason

ListaVestrið, menningarhátíð á Flateyri, fer í ár fram dagana 11. – 19. júlí 2026 og verður þá haldin í fimmta sinn. Opnun hátíðarinnar fer fram 11. júlí kl. 15.00 á Sólbakka. Alls taka 15 listamenn þátt í ListaVestrinu í ár.

ListaVestrið er vettvangur fyrir samtímalist og menningarviðburði á Vestfjörðum. ListaVestrið sameinar starfsemi þriggja sýningarrýma á Flateyri, Gallerísins Undir brúnni, Gömlu Slökkvistöðvarinnar og Tanksins á Sólbakka, sem öll hafa undanfarin ár staðið fyrir listviðburðum, sýningum og opnunum. 

Á aðaldagskrá ListaVestursins í sumar verða fjórar myndlistarsýningar sem endurspegla ólíkar nálganir og breidd innan íslenskrar samtímamyndlistar. Í Gömlu Slökkvistöðinni munu Jón Óskar og Hulda Hákon sýna verk sín þar sem efniskennd, litur og rými fléttast saman í heildstæða upplifun. Undir brúnni mun Krassasig (Kristinn Arnar Sigurðsson) gera staðbundna innsetningu sem nýtir sérkenni rýmisins og opnar á nýja skynjun á umhverfi og samhengi staðarins. Í Tankinum (neðri hæð) sýna Ísfirðingarnir og systkinin Gunnar og Rannveig Jónsbörn verk sín sem og föður þeirra, Jóns heitins Sigurpálssonar. Á efri hæð Tanksins sýna svo þeir Einar Örn Benediktsson tón- og myndlistarmaður auk þess sem Jóel Pálsson saxafónleikari flytur hljóðverk sitt.

Sem fyrr verða, auk ofangreindra sýninga, fjöldi annarra innsetninga og sýninga settar upp víða á Flateyri, sem utandagskrár/“off-venue” sýningar. Þá verður gestum hátíðarinnar boðið að spreyta sig á að mála fjallið Þorfinn sem stendur handan fjarðar.

Nánari upplýsingar um dagskrá ListaVestursins í ár má finna á samfélagsmiðlum og vef hátíðarinnar.

Í ár er jafnframt bryddað upp á nýjung sem er barnadagskrá í formi Listasmiðju ListaVestursins. Um er að ræða þriggja daga listasmiðju 14. – 17. júlí í Samkomuhúsinu á Flateyri fyrir börn á aldrinum 9–13 ára, undir leiðsögn Fannars Arnars Finnssonar og Einars Árnasonar. Í listasmiðjunni munu börnin kanna umhverfi sitt á Flateyri með skissubókum, vinna áfram með hugmyndir sínar í samvinnu við leiðbeinendur og önnur börn og setja svo verk sín fram á lokasýningu Listasmiðju ListaVestursins.

Skylt efni: menning

Vísnahornið
Líf og starf 18. nóvember 2026

Vísnahornið

Steingrím Thorsteinsson þarf ekki að kynna. Hann yrkir svona fallega um haustið ...

Stephan Briem með alþjóðlegan áfanga
Líf og starf 18. nóvember 2026

Stephan Briem með alþjóðlegan áfanga

Fjögur íslensk skáklið tóku þátt á Evrópumóti taflfélaga (European Club Cup), sí...

Gosi banar geimi
Líf og starf 18. nóvember 2026

Gosi banar geimi

Það var dálítið vandræðalegur spilari sem þurfti að upplýsa fyrir sveitarfélögum...

Hafmeyjan og sólskríkjan
Líf og starf 17. nóvember 2026

Hafmeyjan og sólskríkjan

Laugardaginn 29. mars 1947 hófst gos í Heklu eftir rétt rúmlega aldarlangt eldsu...

Er hár yðar óstýrilátt?
Líf og starf 13. nóvember 2026

Er hár yðar óstýrilátt?

Margir þekkja þá raun að eiga við hárið á sér, sumir fremur öðrum auðvitað og ei...

Tilmæli um ábyrga notkun gervigreindar
Líf og starf 12. nóvember 2026

Tilmæli um ábyrga notkun gervigreindar

Bandalag íslenskra listamanna (BÍL) hefur ákveðið að hrinda af stað átaki þar se...

Aldarafmæli Láru Brynhildar
Líf og starf 12. nóvember 2026

Aldarafmæli Láru Brynhildar

Lára Brynhildur Eiríksdóttir, sem býr á hjúkrunarheimilinu Lögmannshlíð á Akurey...

Lausn á vísnagátunni úr 20 tölublaði
Líf og starf 10. nóvember 2026

Lausn á vísnagátunni úr 20 tölublaði

Hér er lausnin á vísnagátunni sem birtist í 20. tölublaði Bændablaðsins. 

https://bestun.airserve.net/banner_bundles/de3e87e0d8dde67f98882b3ac12f8b2f