Málþing í tilefni af degi landbúnaðarins
Dagur landbúnaðarins verður haldinn í dag, 8. október, í Sjálfstæðissalnum á Parliament Hotel með málþingi sem ber yfirskriftina Landbúnaður í heimi breytinga - Öryggi, verðmætasköpun og framtíðartækifæri. Málþingið fer fram milli 15-17.
Trausti Hjálmarsson, formaður Bændasamtaka Íslands setur fundinn og Kristrún Frostadóttir, forsætisráðherra, flytur ávarp. Aðrir mælendur á málþinginu eru: Jóhannes Sveinbjörnsson, dósent við Landbúnaðarháskóla Íslands, Helgi Valberg Jensson, ritari þjóðaröryggisráðsins, Margrét Gísladóttir, framkvæmdastjóri SAFL og Ingólfur Friðriksson, skrifstofustjóri viðskiptastofu utanríkisráðuneytis. Í lokin verða pallborðsumræður.
Dagur landbúnaðarins er haldinn í aðdraganda Landbúnaðarsýningarinnar í Laugardalshöll. Í ár er sýningin dagana 9.-11. október næstkomandi. Þar fá gestir að kynnast fjölbreyttum þáttum landbúnaðar ásamt nýjungum í tækni, búnaði og ýmsum rekstrarvörum sem tengjast landbúnaði.
