Tímarit Bændablaðsins komið út
Höfundur: smh
Tímarit Bændablaðsins er komið út en þetta er sjöunda útgáfuár þess; það hefur verið gefið út einu sinni á ári frá 2015 og að auki sérstakt tölublað í tilefni landbúnaðarsýningarinnar Íslenskur landbúnaður sem haldin var árið 2018 í Laugardalshöll.
Tímaritið kemur jafnan út í tengslum við setningu Búnaðarþings en það er prentað í átta þúsund eintökum og dreift til allra áskrifenda Bændablaðsins, á öll lögbýli landsins og til fyrirtækja sem tengjast landbúnaðinum.
Tímaritið er efnismikið; 100 síður af fjölþættum fróðleik um landbúnað og tengdar greinar - og forvitnileg viðtöl við áhugavert fólk.
Nálgast má veflæga útgáfu tímaritsins í gegnum vef Bændablaðsins auk eldri árganga.
