Skilafrestur fyrir verðlaunamyndagátur að renna út

Bændablaðið minnir lesendur á að skilafrestur á lausnum á myndagátum í jólablaðinu er til hádegis föstudaginn. 9. janúar. Sjá myndagáturnar hér að neðan.

Greinilegt er að stóra myndagátan fyrir hina fullorðnu er ansi erfið,  þó margir snillingar hafi samt fundið þetta út hjálparlaust.Til að auðvelda fólki aðeins leikinn vill höfundur gátunnar upplýsa að lausnin er vísa, þannig að hver lína vísunnar getur mögulega teygt sig lengra en sem nemur einni myndaröð. Meira uppljóstrum við ekki en í lausninni er gerður greinarmunur á grönnum og breiðum sérhljóðum og i og y.

Best er að senda lausnir inn á netfangið getraun@bondi.is og merkt annaðhvort Barnamyndagáta eða Jólamyndagáta eftir því sem við á. Að sjálfsögðu þarf nafn og heimilisfang að fylgja hverri lausn.