Búnaðarþing sett
Búnaðarþing 2026 hefur verið sett við hátíðlega athöfn á Berjaya Reykjavik Natura Hotel og mun standa dagana 23.- 25. mars. Þingið er sameiginlegur vettvangur allra félagsmanna til að taka ákvarðanir sem snerta landbúnaðinn í heild.
Í ár er í fyrsta sinn haldið eitt þriggja daga sameinað þing búgreinadeilda og Búnaðarþings en fram til þessa hefur það verið samsett af tveimur tveggja daga þinghöldum með mánaðar millibili. Breytingin er samkvæmt samþykkt síðasta Búnaðarþings og bændum til hægðarauka, sem þurfa margir hverjir að skipuleggja afleysingu til að bregða sér af bæ. Mikill undirbúningur hefur átt sér stað í aðdraganda þingsins og fer hann fram að miklu leyti í nefndum og einstökum búgreinadeildum. Fjarfundabúnaður og aðrar fjarvinnulausnir eru vel nýttar í undirbúningnum.
Hægt er að fylgjast með beinu streymi af setningu þingsins.
