Þau Sólveig María Svana Haraldsdóttir og Hallur Örn Guðjónsson í hlutverkum sínum sem Marísól og bangsinn hennar blíði.
Þau Sólveig María Svana Haraldsdóttir og Hallur Örn Guðjónsson í hlutverkum sínum sem Marísól og bangsinn hennar blíði.
Mynd / Bubbi
Menning 18. nóvember 2026

Marísól og leitin að gleðinni

Höfundur: Sigrún Pétursdóttir

Freyvangsleikhúsið býður ungum sem öldnum í sannkallað aðventuævintýri þegar nýja, íslenska barnaleikritið Marísól og leitin að gleðinni verður frumsýnt þann 20. nóvember.

Verkið er hugarfóstur Jóhönnu S. Ingólfsdóttur, formanns félagsins, sem bæði semur og leikstýrir sýningunni, en hún hefur bæði skrifað og leikstýrt jóla- og aðventuverki fyrir yngri áhorfendur hjá félaginu síðastliðin fimm ár.

Sýningin er jafnframt einstaklega ljúf og hjartnæm þar sem hún geymir nýja tónlist eftir hinn ástsæla tónlistarmann Eirík Bóasson, sem lést í október síðastliðnum. Þetta var í fjórða sinn sem þau Jóhanna og Eiríkur leiddu saman hesta sína í leikhúsinu og fær hans einstaka tónlist því að hljóma áfram og ylja áhorfendum um hjartarætur á aðventunni.

Sagan sjálf, um hana Marísól er bæði spennandi og skemmtileg en hún fjallar um tíu ára stúlku sem er leið yfir komandi jólum því að pabbi hennar, sem er sjómaður, þarf að vera úti á sjó yfir hátíðarnar. Á Þorláksmessukvöld gerast hins vegar töfrar þegar uppáhaldsbangsinn hennar, hann Viktor, lifnar við og kippir henni með sér í ógleymanlegt ferðalag til að endurheimta jólagleðina.

Á leiðinni rekast þau á alls kyns skrautlegar persónur með ólíkar hugmyndir um gleðina en uppgötva að lokum að sönn gleði felst í litlu hlutunum, samverunni og því sem kemur beint frá hjartanu. Miðasala á þessa hlýju og bráðskemmtilegu fjölskyldusýningu er þegar hafin á Tix.is en miðaverð er 2500kr. og sýningarnar alls sex talsins. Jólasýningar Freyvangsleikhússins hafa alla tíð verið afar vinsælar og því er um að gera að drífa sig í að kaupa miða. Þegar er uppselt á frumsýninguna þann 20. nóvember, en hægt er að kaupa miða fyrir sýningar 21, 22, 28, 29 nóvember og svo 6.desember – allar klukkan 13.

Skylt efni: freyvangsleikhús

Með hendur í vösum
Líf&Starf 8. júlí 2026

Með hendur í vösum

„Sjáðu ... hann er með vösum!“ Þessi setning heyrist óvenju oft þegar konur sýna...

Góður sigur strjálbýlisins
Líf&Starf 26. maí 2026

Góður sigur strjálbýlisins

Helstu stórveldin í briddsheiminum, Reykjavík og Reykjanes, urðu að lúta í lægra...

Sumar, vetur, von og haust
Líf&Starf 26. maí 2026

Sumar, vetur, von og haust

Það var á þessum tíma árs, rétt eftir sumarbyrjun, að horfellirinn lét harðast t...

Gjaldmiðill Íslands og gull
Líf&Starf 22. maí 2026

Gjaldmiðill Íslands og gull

Saga smjörs á Íslandi er samofin lífsbaráttu þjóðarinnar og ristir mun dýpra en ...

Ævintýralegt spil í úrslitunum
Líf&Starf 13. maí 2026

Ævintýralegt spil í úrslitunum

12 pör þurftu að kljást við spil dagsins sem kom upp í úrslitum Íslandsmótsins í...

Sagnaþáttur - Draugabani
Líf&Starf 27. apríl 2026

Sagnaþáttur - Draugabani

Um þessar mundir er öld liðin frá því að Indriði G. Þorsteinsson rithöfundur fæd...

Einbúinn á Þelamörk
Líf&Starf 13. apríl 2026

Einbúinn á Þelamörk

Haustið 1788 var Jóni Þorlákssyni veitt embætti sóknarprests á Bægisá á Þelamörk...

Sagnaþáttur: Velkomin Góa
Líf&Starf 10. mars 2026

Sagnaþáttur: Velkomin Góa

Góa er hafin. Mánaðarheitið góa, eða gói eins og forfeður okkar kölluðu þennan n...

Marísól og leitin að gleðinni
18. nóvember 2026

Marísól og leitin að gleðinni

Vísnahornið
18. nóvember 2026

Vísnahornið

Nýtt fræhús á Vöglum
18. nóvember 2026

Nýtt fræhús á Vöglum

Stephan Briem með alþjóðlegan áfanga
18. nóvember 2026

Stephan Briem með alþjóðlegan áfanga

Gosi banar geimi
18. nóvember 2026

Gosi banar geimi