Fimmtán íslenskir veitingastaðir í nýrri útgáfu The White Guide Nordic

Listi yfir bestu veitingastaðina á Norðurlöndum fyrir næsta ár hefur verið gefinn út, en hann byggist á niðurstöðum The White Guide Nordic-bókarinnar, sem sérhæfir sig í mati á gæðum veitingastaða. Fimmtán íslenskir staðir eru nú á listanum, en voru sautján í fyrra.

Fram til þessa hafa einungis veitingastaðir á Norðurlöndum verið metnir í bókinni og raðað eftir gæðum en í bókinni fyrir 2017, sem verður formlega gefin út þann 31. október næstkomandi, er einnig að finna veitingastaði Eystrasaltslandanna. Íslensku veitingastaðirnir eru eftirfarandi, en niðurröðun eftir stigagjöf mun liggja fyrir þann 31. október.  

• Austur - Indiafjelagid Reykjavik
• Dill Reykjavík
• Fiskfélagið (Fish Company) Reykjavík
• Fiskmarkaðurinn (Fishmarket) Reykjavík
• Gallery Restaurant Hotel Holt Reykjavik
• Grillið Reykjavík
• Grillmarkadurinn (Grillmarket) Reykjavík
• Kol Reykjavík
• Lava restaurant Grindavík
• Matur og Drykkur Reykjavík
• Norð Austur Sushi & Bar Seyðisfjörður
• Rub 23 Akureyri
• Slippurinn Westman Islands
• Snaps Reykjavík
• Vox (Hilton Hotel) Reykjavík

Í fyrra skoraði Dill í Reykjavík hæst íslenskra veitingastaða, Slippurinn í Vestmannaeyjum næst hæst og Gallery Restaurant Hótel Holt í Reykjavík varð þriðji í röðinni. Noma í Kaupmannahöfn var þá útnefndur besti veitingastaður Norðurlanda.

Í bókinni eru 325 veitingastaðir tilgreindir á Norðurlöndum en 60 frá Eystrasaltslöndunum.