Vinsamlegast athugið að þetta efni er eldra en 8 mánaða.
„Í lok árs 2025 hófst borun á nýrri holu fyrir hitaveituna í Hveragerði. Sú hola verður virkjuð, enda vitað að þarna er bæði vatn og hiti,“ segja forsvarsmenn Veitna.
„Í lok árs 2025 hófst borun á nýrri holu fyrir hitaveituna í Hveragerði. Sú hola verður virkjuð, enda vitað að þarna er bæði vatn og hiti,“ segja forsvarsmenn Veitna.
Mynd / Veitur
Fréttir 17. febrúar 2026

Veitur efla jarðhitaleit

Höfundur: Steinunn Ásmundsdóttir

Veitur auka jarðhitaleit og boranir á suðvesturhorni landsins.

Veitur hyggjast á næstu misserum og árum efla jarðhitaleit og bora eftir heitu vatni á nokkrum stöðum, m.a. frá Borg á Mýrum til Rangárþings eystra. Markmiðið er að tryggja nægt heitt vatn til húshitunar í takt við ört vaxandi samfélag og áætlaða fjölgun íbúða. Forsvarsmenn Veitna segja lagða áherslu á bæði aukna vinnslu á núverandi lághitasvæðum og þróun nýrra jarðhitaauðlinda.

Mestar vonir eru, skv. fregn af vefsíðu Veitna, bundnar við aukna vinnslu á núverandi lághitasvæðum í Lauganesi og á Reykjum í Mosfellsbæ, þar sem talið er líklegt að hægt sé að nýta meira heitt vatn til framtíðar. Á Geldinganesi hefur þegar fundist heitt vatn, en magnið hefur hingað til verið takmarkað og því er unnið að frekari borunum til að auka framboð.

Á Brimnesi á Kjalarnesi hefur fundist nýtanlegt magn heits vatns og rannsóknir halda áfram. Á Akranesi og á Borg á Mýrum er talið mögulegt að jarðhiti sé til staðar, en óvissa er um hvort vatnsmagn sé nægjanlegt. Þar beinist leitin að nýjum borholum til staðfestingar.

„Nýjustu rannsóknir á Akranesi gefa vísbendingar um að við Jaðarsbakka megi finna heitt vatn og þess vegna verður ein hola boruð þar í vor. Ef heitt vatn finnst á Borg eða við Jaðarsbakka á Akranesi verður það kærkomin viðbót við heita vatnið sem kemur frá Deildartungu og Bæjarsveit,“ segja Veitur.

Borun hófst á nýrri holu í Hveragerði í lok árs 2025 og verður hún virkjuð þar sem bæði vatn og hiti eru þegar þekkt. Í ár standa yfir, eða eru fyrirhugaðar, boranir í Lauganesi, á Reykjum, Geldinganesi og við Jaðarsbakka á Akranesi, sem fyrr segir. Ef holur reynast nýtanlegar geta liðið nokkur ár þar til heitt vatn fer inn á dreifikerfi hitaveitunnar.

Þjónusta Microsoft liggur niðri
Fréttir 13. nóvember 2026

Þjónusta Microsoft liggur niðri

Vegna vandræða í kerfum Microsoft liggur tölvupóstur Bændablaðsins tímabundið ni...

Matarmót Austurlands á laugardaginn
Fréttir 12. nóvember 2026

Matarmót Austurlands á laugardaginn

Matarmót Austurlands verður haldið í sjötta sinn í Sláturhúsinu á Egilsstöðum la...

Miðdalur fyrirmyndarbú
Fréttir 11. nóvember 2026

Miðdalur fyrirmyndarbú

Ábúendur í Miðdal í Kjósarhreppi fengu viðurkenningu sem fyrirmyndarbú deildar n...

Grænbók um landgræðslu og skógrækt í Samráðsgátt
Fréttir 11. nóvember 2026

Grænbók um landgræðslu og skógrækt í Samráðsgátt

Grænbók um landsáætlun í landgræðslu og skógrækt var nýlega sett í Samráðsgátt s...

Blásið til sóknar í lífrænum landbúnaði
Fréttir 10. nóvember 2026

Blásið til sóknar í lífrænum landbúnaði

Fagráð í lífrænum landbúnaði stendur fyrir málþinginu „Tíföldum lífræna framleið...

Fleiri fluttu til en frá öllum sveitarfélögum Vesturlands
Fréttir 10. nóvember 2026

Fleiri fluttu til en frá öllum sveitarfélögum Vesturlands

Búferlaflutningar hafa verið hagfelldir á Vesturlandi undan-arin fimm ár. Fleiri...

Heildarlög um loftslagsmál
Fréttir 10. nóvember 2026

Heildarlög um loftslagsmál

Jóhann Páll Jóhannsson umhverfis-, orku- og loftslags- ráðherra mælti fyrir frum...

Aðgerðir til verndar líffræðilegri fjölbreytni
Fréttir 10. nóvember 2026

Aðgerðir til verndar líffræðilegri fjölbreytni

Út er komin aðgerðaáætlun um líffræðilega fjölbreytni. Meðal forgangsaðgerða er ...