Vinsamlegast athugið að þetta efni er eldra en 2 mánaða.
Ásmundur Ernir Snorrason og Hlökk frá Strandarhöfða sigurvegarar í tölti og slóu um leið heimsmet!
Ásmundur Ernir Snorrason og Hlökk frá Strandarhöfða sigurvegarar í tölti og slóu um leið heimsmet!
Mynd / Freydís Bergsdóttir
Fréttir 17. ágúst 2026

Úrslit Landsmóts 2026

Höfundur: Karólína Rós Ólafsdóttir

Landsmót hestamanna fór fram dagana 5.–11. júlí sl. en sigur- vegarar mótsins voru Sindri frá Hjarðartúni og Hans Þór Hilmarsson með 9,13 í aðaleinkunn.

Sýningin þótti glæsileg þó aðstæður hafi verið aðeins krefjandi vegna vinda. Landsmótið 2026 fór fram á Hólum í Hjaltadal og var vel sótt. Halla Tómasdóttir forseti mætti á mótið til að afhenda verðlaun og „dást að íslenska hestinum“ eins og kom fram á heimasíðu Landsmóts.

Heimsmet í tölti

Ásmundur Ernir Snorrason og Hlökk frá Strandarhöfða slógu heimsmet í tölti með 9,78 í aðaleinkunn í A úrslitum. Sú einkunn er heimsmet en aldrei fyrr hefur sama atriðið hlotið fjórar 10 frá dómurum.

Þráinn frá Flagbjarnarholti hneppti Sleipnisbikarinn en hann var efstur stóðhesta með heiðursverðlaun fyrir afkvæmi þetta árið. Ræktendur Þráins, Jaap Groven og Yvonne Groven, og meðeigendur þeirra í Þráinsskildi tóku við verðlaununum en Sleipnisbikarinn er ein virtasta viðurkenning sem veitt er í íslenskri hrossarækt og talinn æðsti heiður sem kynbótastóðhestar geta hlotið.

Orrabikarinn hlaut stóðhesturinn Hannibal frá Þúfum sem fékk fyrstu verðlaun fyrir afkvæmi og þykir árangurinn endurspegla gæði afkvæma hans og markvisst ræktunarstarf sem stendur að baki honum. Íbishóll varð sigurvegari ræktunarbúa í annað sinn.

Sindri frá Hjarðartúni og Hans Þór Hilmarsson, landsmótssigurvegarar í A-flokki.

Framúrskarandi hestamennska

Jóhanna Margrét Snorradóttir hlaut Gregesen-styttuna þetta árið og er sú stytta veitt til minningar um Ragnar Gregesen sem þótti fyrirmynd bæði þegar kom að umhirðu hrossa og prúðmannlegri framkomu. Verðlaunin eru virt viðurkenning á Landsmóti og leggja áherslu á þau gildi sem einkenna góða hestamennsku innan vallar og utan.

Jóhanna þótti skara fram úr fyrir reiðmennsku, snyrtimennsku og fagmennsku í umgengni við hross sín en hún sýndi fjölda hesta á mótinu.

Viktoría Huld Hannesdóttir og Þinur frá Enni, sigurvegarar í barnaflokki.

Hlaut þrenn verðlaun

Guðmar Hólm Ísólfsson Líndal átti þrjá sigra á mótinu. Guðmar og Kalsi frá Þúfum sigruðu A-flokk ungmenna, ásamt Gretti frá Hólum vann hann einnig í B-flokki ungmenna og hlaut hann síðan ÖDER bikarinn sem var veittur á Landsmóti í þriðja sinn í ár.

ÖDER bikarinn er veittur framúrskarandi knapa og hesti sem standa fyrir glæsileika og fegurð í íslenskri reiðmennsku og var stofnaður til minningar um Einar Öder Magnússon sem var í fararbroddi i íslenskri hestamennsku og lagði áherslu á tengslin milli hests og knapa.

Jakob Svavar Sigurðsson og Kór frá Skálakoti sigruðu í B-flokki með aðaleinkunnina 9,19. Viktoría Huld Hannesdóttir og Þinur frá Enni unnu í barnaflokki með aðaleinkunn 9,06 og vörðu með því titilinn frá síðasta Landsmóti.

Gabríel Liljendal Friðfinnsson og Ólsen frá Egilsá sigruðu unglinga- flokkinn og Hannes Sigurjónsson og Heiður frá Eystra-Fróðholti sigruðu B-flokk áhugamanna.

Konráð Valur Sveinsson og Kastor frá Garðshorni á Þelamörk sigurvegarar í 250m skeiði.

Friðsemd fljótust

Eyrún Ýr Pálsdóttir og Friðsemd frá Kópavogi fóru 100 metra sprettinn hraðast á 7,46 sekúndum. Konráð Valur Sveinsson og Kastor frá Garðshorni voru fyrstir í mark í 250 metra skeiði á 22,18 sekúndum og var Konráð einnig fyrstur í mark í 150 metra skeiði en þá á Kjarki frá Árbæjarhjáleigu II á 13,84 sekúndum.

Félag tamningamanna (FT) veitti heiðursviðurkenningar á mótinu en þar hlaut Brynja Kristjánsdóttir Reiðmennskuverðlaun FT og Ásmundur Ernir Snorrason og Elin Holst hlutu FT-Fjöðrina. Bændablaðið óskar öllum Landsmótssigurvegurum til hamingju með árangurinn. 

Skylt efni: Landsmót hestamanna

Þjónusta Microsoft liggur niðri
Fréttir 13. nóvember 2026

Þjónusta Microsoft liggur niðri

Vegna vandræða í kerfum Microsoft liggur tölvupóstur Bændablaðsins tímabundið ni...

Matarmót Austurlands á laugardaginn
Fréttir 12. nóvember 2026

Matarmót Austurlands á laugardaginn

Matarmót Austurlands verður haldið í sjötta sinn í Sláturhúsinu á Egilsstöðum la...

Miðdalur fyrirmyndarbú
Fréttir 11. nóvember 2026

Miðdalur fyrirmyndarbú

Ábúendur í Miðdal í Kjósarhreppi fengu viðurkenningu sem fyrirmyndarbú deildar n...

Grænbók um landgræðslu og skógrækt í Samráðsgátt
Fréttir 11. nóvember 2026

Grænbók um landgræðslu og skógrækt í Samráðsgátt

Grænbók um landsáætlun í landgræðslu og skógrækt var nýlega sett í Samráðsgátt s...

Blásið til sóknar í lífrænum landbúnaði
Fréttir 10. nóvember 2026

Blásið til sóknar í lífrænum landbúnaði

Fagráð í lífrænum landbúnaði stendur fyrir málþinginu „Tíföldum lífræna framleið...

Fleiri fluttu til en frá öllum sveitarfélögum Vesturlands
Fréttir 10. nóvember 2026

Fleiri fluttu til en frá öllum sveitarfélögum Vesturlands

Búferlaflutningar hafa verið hagfelldir á Vesturlandi undan-arin fimm ár. Fleiri...

Heildarlög um loftslagsmál
Fréttir 10. nóvember 2026

Heildarlög um loftslagsmál

Jóhann Páll Jóhannsson umhverfis-, orku- og loftslags- ráðherra mælti fyrir frum...

Aðgerðir til verndar líffræðilegri fjölbreytni
Fréttir 10. nóvember 2026

Aðgerðir til verndar líffræðilegri fjölbreytni

Út er komin aðgerðaáætlun um líffræðilega fjölbreytni. Meðal forgangsaðgerða er ...

https://bestun.airserve.net/banner_bundles/de3e87e0d8dde67f98882b3ac12f8b2f