Tindur

Heklað zik zak teppi með fastapinnum. 

 

Þetta munstur er gömul klassík sem ófáar ömmur hafa heklað í gegnum árin. Eftir að hafa séð ótal mörg teppi með þessu fallega munstri ákvað ég að ég yrði að hekla eitt sjálf. Þegar ég fór að leita að uppskriftinni fann ég hana hvergi á íslensku, en fann fullt af bloggsíðum þar sem uppskriftin var á ensku. Því fannst mér tilvalið að þýða uppskriftina og skella henni í Bændablaðið. Þannig geta allir þeir heklarar sem vilja notið góðs af þessari einföldu og skemmtilegu uppskrift.

 

Heklkveðjur, 

mæðgurnar í Handverkskúnst

 

Garn: Drops Merino Extra Fine 

fæst hjá Handverkskúnst, www.garn.is

Ljós beige nr. 08, 200 gr.

Bleikur nr. 33, 150 gr.

Sinnep nr. 30, 150 gr.

Gráblár nr. 23, 150 gr.

Heklunál: 4,5 mm

 

Skammstafanir á hekli:

sl. = sleppa

L = lykkja

FP = fastapinni

Fitjið upp 180 lykkjur, gott er að nota stærri heklunál þegar fitjað er upp.

Til þess að breikka teppið bætið við 25 L.

1. umf: Heklið 1 FP í aðra L frá nálinni, 1 FP í næstu L, *sl. 1 L, 1 FP í næstu 11 L, 3 FP í næstu L, 1 FP í næstu 11 L, sl. 1 L*, endurtakið frá * að * 6 sinnum til viðbótar, heklið 1 FP í síðustu 2 L.

 

Hér eftir er aðeins heklað í aftari hluta lykkjunnar, með því að gera það myndast þessi upphleypta áferð.

 

2. umf: Heklið 1 LL, 1 FP í fyrstu 2 L, *sl. 1 L, 1 FP í næstu 11 L, 3 FP í næstu L, 1 FP í næstu 11 L, sl. 1 L*, endurtakið frá * að * 6 sinnum til viðbótar, heklið 1 FP í síðustu 2 L.

 

Endurtakið 2. umferð þar til teppið er orðið 136 umferðir, eða hefur náð æskilegri lengd.

Í teppinu á myndinni eru heklaðar 8 umferðir í hverjum lit.