Þegar ég var óviti litaði ég veggina
Álfrún Edda er fjögurra ára en er alveg að verða fimm. Ítalskur matur er í uppáhaldi en samt ekki með pepperóní eða sveppum.
Nafn: Álfrún Edda Sigurðardóttir.
Aldur: Fjögurra ára, alveg að verða fimm.
Stjörnumerki: Sporðdreki.
Búseta: Akranes.
Leikskóli: Akrasel.
Hvað finnst þér skemmtilegast í skólanum? Leika úti og líka inni í hárgreiðsluleik. Svo finnst mér gaman að vera inni að dansa.
Hvert er uppáhaldsdýrið þitt? Kettlingur.
Uppáhaldsmatur: Flest er gott, nema sveppir og pepperóní. Lasagna, pitsa og spagettí er í uppáhaldi.
Uppáhaldshljómsveit: Mér finnst skemmtilegasti diskurinn vera Mary Poppins.
Uppáhaldskvikmynd: Krakkarnir í Ólátagarði, Emil í kattholti og Lína Langsokkur.
Fyrsta minning þín? Ég man eftir því þegar ég fór með mömmu og ömmu Íbí til Þýskalands og ein frænka mín gaf mér Hello Kitty-tösku.
Æfir þú íþróttir eða spilarðu á hljóðfæri? Já, æfi dans og fótbolta.
Hvað ætlar þú að verða þegar þú verður stór? Danskennari.
Hvað er það klikkaðasta sem þú hefur gert? Þegar ég var óviti þá litaði ég á veggina í herberginu mínu.
Hvað er það leiðinlegasta sem þú hefur gert? Mér finnst leiðinlegt að gráta.
Ætlar þú að gera eitthvað sérstakt í vetur? Drekka kakó og halda afmæli. Svo förum við í skólaheimsóknir.
