Það er mikils virði að geta boðið upp á alíslenskt hráefni
Höfundur: Ritstjórn
Arnheiður Hjörleifsdóttir, bóndi á Bjarteyjarsandi í Hvalfirði, er viðmælandi Hafliða Halldórssonar í Máltíð. Hún ásamt fjölskyldu sinni rekur myndarlegt bú sem er hvað þekktast fyrir nýsköpun í ferðaþjónustu, heimavinnslu og sölu eigin afurða beint til neytenda.
Arnheiður er umhverfisfræðingur að mennt og er ötull talsmaður þess að við skiljum og áttum okkur á sérstöðu landsins í hráefnavali. Rúm tuttugu ár eru síðan sett var sérstök umhverfisstefna á hennar búi. Það er mikils virði, að hennar mati, fyrir íslenska ferðaþjónustu að geta boðið upp á alíslenskt hráefni og byggt á rótgrónum matarhefðum.
Hægt er að hlýða á þáttinn á öllum helstu hlaðvarpsveitum og hér undir.
