Nemendur kepptu í reiðmennsku á Skeifudeginum á Hvanneyri

Skeifudagurinn, keppni nemenda í hrossarækt III við LbhÍ, fór fram á Mið-Fossum í Skorradal sumardaginn fyrsta. Að hátíðinni stendur Hestamannafélagið Grani á Hvanneyri og fór dagurinn fram eins og best er á kosið. 

 

Að lokinni keppni fór hið vinsæla folatollahappdrætti fram þar sem vinningar eru gjafabréf fyrir handhafa að leiða hryssu sína undir hina ýmsu stóðhesta og búa til framtíðargæðinga. Um 300 miðar seldust enda til mikils að vinna fyrir áhugasamt hestafólk. Aðstandendur að keppninni voru ánægðir með daginn en í ár er hann haldinn í 61. sinn. 

 

Gunnarsbikarinn

 

Að þessi sinni hlaut Bryndís Karen Pálsdóttir Gunnarsbikarinn sem er gefinn til minningar um Gunnar Bjarnason, fyrrverandi hrossaræktarráðunaut, en nemendur keppa í fjórgangi. Sigurður Kristmundsson var í öðru sæti, Hugrún Björt Hermannsdóttir í þriðja, Þráinn Ingólfsson í því fjórða og Kristján Valur Sigurjónsson í fimmta sæti.

 

Félag tamningamanna gefur þeim nemanda sem þykir sitja hest sinn best verðlaun og komu þau í hlut Bryndísar Karenar Pálsdóttur 

 

Eiðfaxabikarinn 

 

Sigríður Linda Hyström og Alex Rafn Elfarsson hlutu Eiðfaxabikarinn en hann er veittur þeim nemanda sem hlýtur hæstu einkunn í bóklegum áfanga, hestafræði, en Sigríður og Alex voru sameiginlega með hæstu einkunnina. 

 

Framfaraverðlaun Reynis 

 

Framfaraverðlaun Reynis eru veitt þeim nemanda sem sýnt hefur hvað mestan áhuga, ástundun og tekið hvað mestum framförum í reiðmennsku. Framfaraverðlaunin hlaut Þráinn Ingólfsson.

 

Morgunblaðsskeifan

 

Harpa Björk Eiríksdóttir hlaut Morgun­blaðsskeifuna en önnur sæti skipuðu Kristján Valur Sigurjónsson, Bryndís Karen Pálsdóttir, Þráinn Ingólfsson og Sigurður Kristmundsson. 

 

Auk þess að vera keppnisdagur nemenda í hrossarækt III við LbhÍ er Skeifudagurinn einnig útskriftardagur nemenda í námskeiðinu Reiðmaðurinn sem er tveggja ára starfsmenntanám, ætlað þeim sem vilja bæta reiðmennsku sína. 

 

Reynisbikarinn

 

Reiðmannsnemendur keppa um Reynisbikarinn sem gefinn er af fjölskyldu Reynis Aðalsteinssonar, upphafsmanns Reiðmannsnámskeiðisins. 

 

Í fyrsta sæti var Maja Vilstrup, í öðru sæti Jenny Eriksson, í því þriðja Gunnar Jónsson, Bragi Viðar Gunnarsson var í fjórða sæti og Matthildur María Guðmundsdóttir í því fimmta.