Navia-tátiljur á dömur

Hér er prjónauppskrift að Navía-tátiljum á dömur, frá Handverkskúnst.

 

Skóstærð: 40, dömustærð

Garn: Navia Trio fæst hjá Handverkskúnst

Aðallitur, hvítur N31: 1 dokka

Munsturlitur, milligrár N33: 1 dokka

Prjónar: Sokkaprjónar nr 4 #Handverkskúnst

Prjónfesta: 22 lykkjur = 10 sm!

 

Aðferð:

Byrjið að aftan á miðjum hæl. Fitjið upp 13 lykkjur með rjómahvítum. Prjónið fram og til baka í sléttu prjóni eftir munsturteikningu á hæl. Prjónið 14 umferðir, takið nú upp 14 lykkjur meðfram kanti hvoru megin = 41 lykkjur á prjóninum. Haldið áfram að prjóna fram og til bara yfir allar 41 lykkjurnar. Munsturteikning sýnir allar lykkjurnar en fyrstu 4 og síðustu 4 lykkjurnar eru alltaf prjónaðar slétt (garðaprjón). Þegar prjónaðar hafa verið 24 umferðir eftir að lykkjur voru teknar upp á hæl, fitjið upp 5 lykkjur (ofan á fæti/rist) og prjónið nú í hring. Haldið áfram að prjóna eftir munsturteikningu. Fellið af eins og teikning sýnir = 18 lykkjur eftir á prjóninum, slítið bandið frá og dragið í gegnum lykkjurnar sem eftir eru.

 

Frágangur: Heklið eina umferð keðjulykkjur með gráu meðfram opi.

 

Hönnun: Navia, þýtt yfir á íslensku með leyfi þeirra.