Vinsamlegast athugið að þetta efni er eldra en 8 mánaða.
Meðal þess sem heilbrigðisnefndir hafa haft umsjón með er útgáfa starfsleyfa fyrir alifuglaeldi.
Meðal þess sem heilbrigðisnefndir hafa haft umsjón með er útgáfa starfsleyfa fyrir alifuglaeldi.
Mynd / smh
Fréttir 16. febrúar 2026

Markmið um einfaldara og skilvirkara eftirlit

Höfundur: Sigurður Már Harðarson

Samkvæmt frumvarpsdrögum um breytingar á fyrirkomulagi eftirlits með hollustuháttum og mengunarvörnum verða heilbrigðisnefndir sveitarfélaga aflagðar og færist eftirlit þar með frá heilbrigðiseftirliti sveitarfélaga til Umhverfis- og orkustofnunar.

Drögin hafa verð sett í samráðsgátt stjórnvalda en markmið þess er aukið samræmi eftirlits, einföldun og skilvirkni.

Nauðsynlegar breytingar

Það er umhverfis-, orku- og loftslagsráðuneytið sem leggur frumvarpsdrögin fram til kynningar og í umfjöllun á vef ráðuneytisins um málið segir að fjöldi greininga og skýrslna liggi fyrir, allt frá árinu 2001, sem sýnt hafa fram á nauðsyn breytinga á fyrirkomulagi eftirlits með hollustuháttum og mengunarvörnum og matvælaeftirliti. Þar beri hæst skortur á samræmi í eftirliti og þörf á skýrari ábyrgð og yfirstjórn með hollustuháttum og mengunarvörnum og matvælaeftirliti.

Umhverfis- og orkustofnun mun taka við hlutverki heilbrigðinefnda og -eftirlita varðandi útgáfu starfsleyfa, eftirliti með rekstraraðilum og úrgangi, svo dæmi séu tekin. Starfsemi og þjónusta í kringum þessi málefni verður því miðlæg. Þannig verði komið á einu samræmdu upplýsingakerfi fyrir þjónustu og eftirlit á sviði hollustuhátta og mengunarvarna.

Viðbragð við áminningu ESA

Umsagnarfrestur um frumvarpsdrögin er til 17. febrúar, en í umfjöllun ráðuneytisins kemur fram að von sé á sambærilegu frumvarpi um eftirlit með matvælum frá atvinnuvegaráðuneytinu. Það sé viðbragð við áminningarbréfi Eftirlitsstofnunar EFTA (ESA) sem sent var íslenskum stjórnvöldum í júlí 2024.

Það var sent vegna þess að ítrekað hefur komið fram í niðurstöðum úttekta ESA að opinbert eftirlitskerfi fyrir matvæli, fóður og dýraheilbrigði sé ekki í samræmi við þau viðmið sem sett séu í EES-samningnum.

Með því frumvarpi verður sú breyting að ábyrgð á eftirliti með matvælum verður færð frá heilbrigðiseftirliti til Matvælastofnunar. Með heildarbreytingum er eftirlitsaðilum á sviðum matvæla, hollustuhátta og mengunarvörnum fækkað úr ellefu í tvo, en starfandi heilbrigðiseftirlitsstöðvar eru alls níu í dag um allt land.

Þjónusta Microsoft liggur niðri
Fréttir 13. nóvember 2026

Þjónusta Microsoft liggur niðri

Vegna vandræða í kerfum Microsoft liggur tölvupóstur Bændablaðsins tímabundið ni...

Matarmót Austurlands á laugardaginn
Fréttir 12. nóvember 2026

Matarmót Austurlands á laugardaginn

Matarmót Austurlands verður haldið í sjötta sinn í Sláturhúsinu á Egilsstöðum la...

Miðdalur fyrirmyndarbú
Fréttir 11. nóvember 2026

Miðdalur fyrirmyndarbú

Ábúendur í Miðdal í Kjósarhreppi fengu viðurkenningu sem fyrirmyndarbú deildar n...

Grænbók um landgræðslu og skógrækt í Samráðsgátt
Fréttir 11. nóvember 2026

Grænbók um landgræðslu og skógrækt í Samráðsgátt

Grænbók um landsáætlun í landgræðslu og skógrækt var nýlega sett í Samráðsgátt s...

Blásið til sóknar í lífrænum landbúnaði
Fréttir 10. nóvember 2026

Blásið til sóknar í lífrænum landbúnaði

Fagráð í lífrænum landbúnaði stendur fyrir málþinginu „Tíföldum lífræna framleið...

Fleiri fluttu til en frá öllum sveitarfélögum Vesturlands
Fréttir 10. nóvember 2026

Fleiri fluttu til en frá öllum sveitarfélögum Vesturlands

Búferlaflutningar hafa verið hagfelldir á Vesturlandi undan-arin fimm ár. Fleiri...

Heildarlög um loftslagsmál
Fréttir 10. nóvember 2026

Heildarlög um loftslagsmál

Jóhann Páll Jóhannsson umhverfis-, orku- og loftslags- ráðherra mælti fyrir frum...

Aðgerðir til verndar líffræðilegri fjölbreytni
Fréttir 10. nóvember 2026

Aðgerðir til verndar líffræðilegri fjölbreytni

Út er komin aðgerðaáætlun um líffræðilega fjölbreytni. Meðal forgangsaðgerða er ...